He whakarōpūtanga rauropi. He rerekē tā te Māori whakarōpū i ēnei momo i tā ngā mātanga pūtaiao. Ko tā te Māori, he uri ngā pepeke nō Punga, ā, ka whai wāhi mai ngā momo pērā i te pūngāwerewere, te anuhe, te noke, te peketua, te tātarakihi, te ngaro me te huhua noa atu. Ki tā ngā mātanga pūtaiao, e toru ngā wāhanga tinana o te pepeke (ko te pane, te tārāuma me te puku), e ono ngā waewae. He pūhihi ō ētahi, he parirau hoki ō ētahi. He angawaho katoa ngā pepeke, ā, he nui ake i te miriona ngā momo pepeke e mōhiotia ana puta noa i te ao.
A group of organisms whose Māori classification is different to that of scientists. Māori classify pepeke as descendants of Punga which include species such as spiders, caterpillars, worms, centipedes, cicadas, flies, and many others. The scientist classifies insects as having three body segments (head, thorax and abdomen) and six legs. Some also have antennae and wings. They are all arthropods, and over a million species of insects have been identified throughout the world.
Koia nei ngā wāhanga matua o te pepeke. He rō tēnei whakaahua:
Whakamahia ai e te pepeke ōna pūhihi kia rongo ai ia i ngā āhuatanga o tōna taiao. Mō te nuinga o ngā pepeke, ka rongo ngā pūhihi i ngā whāwhātanga, me ngā kakara. Mō te pōpokorua me te pī, ka rongo ō rātou pūhihi i te tāwara o tētahi mea.
He aha ētahi whakarōpūtanga o te aitanga-a-pepeke?
Tohua ngā wāhanga matua o te pepeke ki te whakaahua.