matū

matter, chemical, substance, material

WHAKAMĀRAMA

Ko ngā rawa e hangaia ai ngā mea katoa. He papatipu tō te matū, ka kī anō i a ia he mokowā. E toru ngā āhua o te matū: ko te totoka, ko te wē, ko te haurehu. Ka hangaia te matū ki te korakora ririki e kīia nei ko te ngota.

The material that everything is made up of. Matter has mass and takes up space. There are three states of matter: solid, liquid and gas. Matter is made up of very small particles called atoms.

Tauira KŌrero

Pēhea nei te whakarārangi i ngā matū māmā ki te Taka Pūmotu?

Whakarōpūngia ēnei matū ki ngā rōpū matua nei, ki te totoka, te wē me te haurehu.

E 92 ngā matū māmā, ka kīia he pūmotu.

WhakamĀrama Āpitihanga

E nukunuku ana ngā ngota o tētahi matū i ngā wā katoa. He kaha te pipiri o ngā ngota o tētahi totoka, nō reira he oreore noa iho te nukunuku e taea ana. He kaha ake te nukunuku o ngā ngota o tētahi wē. Kāore ngā ngota o tētahi haurehu e noho pipiri ana, nō reira he māhorahora te nukunuku:

Te totoka Kāore e tino kaha te pūngao neke o ngā ngota. He tūhonohono, he kaha te pipiri o ngā ngota.	He pūmau te āhua nā te mea kāore ngā ngota e tino nekeneke, he oreore noa iho.
Te wē He kaha ake te pūngao neke o ngā ngota, kāore e tino kaha te pipiri.	Ka nukunuku ngā ngota, nō reira kāore e noho pūmau te āhua o te wē - kei te āhua tonu o te ipu e pupuri ana i te wē.
Te haurehu He kaha te pūngao neke o ngā ngota, he ngoikore te pipiri.	He māhorahora te nukunuku o ngā ngota, nō reira kāore e noho pūmau te āhua o te haurehu - kei te āhua tonu o te mea e pupuri ana i te haurehu (pērā i te poihau).