!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

pūmotu

element

tūingoa

WHAKAMĀRAMA

Ka kīia he pūmotu ngā momo ngota katoa. Kāore e taea te wāwāhi tētahi pūmotu ki tētahi matū māmā ake. E 92 ngā pūmotu māori, i tua atu i ēnei ko ētahi i hangaia kē mai e te tangata (engari kāore ēnei e tino mōhio whānuitia ana). He huhua ētahi o ngā pūmotu i te taiao, pērā i te hauwai (H), te waro (C), te hauota (N), me te hāora (O). Ko ētahi, kāore i te pērā rawa te kitea i te taiao, pērā i te rino (Fe), te konutai (Na) me te konupora (Mg). Ko ētahi, he uaua kē te kitea, pērā i te konukita (Cr) me te haukura (Ne). Ko ētahi, he tino onge, pērā i te konutangaroa (Np).

Each different type of atom is referred to as an element. An element cannot be broken down into a simpler substance. There are 92 naturally occuring elements, the rest are made artificially (although these are not widely known). Some elements occur abundantly, such as hydrogen (H), carbon (C), nitrogen (N) and oxygen (O). Some occur moderately, such as iron (Fe), sodium (Na) and magnesium (Mg). Some occur rarely, such as chromium (Cr) and neon (Ne). Others, such as neptunium (Np), occur only in minute amounts.

Tauira KŌrero

E hia te tau iraoho o te pūmotu hauota?

Rārangihia mai ngā pūmotu mātāmua e rua tekau.

E pātata ana ki te 75% o ngā pūmotu katoa, he konganuku.

WhakamĀrama Āpitihanga

Whakaaturia ai ngā pūmotu ki tētahi tūtohi motuhake, ka kīia ko te Taka Pūmotu. Ka raupapahia ngā pūmotu i runga i te tau iraoho o ia pūmotu. E rua ngā rōpū matua o ngā pūmotu - ko ngā konganuku me ngā konu-kore. Mō te nuinga, ka whakamahia ngā pū (reta) tuatahi o te ingoa Ingarihi, o te ingoa Rātina rānei hei tohu mō te pūmotu. Hei tauira, ko te C hei tohu mō te waro (ko te ‘carbon’ i te reo Ingarihi), ko te Fe mō te rino (ko te ‘ferrum’ i te reo Rātina).

Ka whakaaturia te ingoa o te pūmotu, tōna tohu me te tau iraoho ki te Taka Pūmotu. Koia nei te tīmatanga o te Taka Pūmotu e whakaatu ana i ngā pūmotu mātāmua e rua tekau:

Ko te rārangitanga tēnei o ngā pūmotu mātāmua e rua tekau me ētahi atu e tino mōhiotia ana:

I ētahi wā, he paku rerekē ngā ngota o tētahi pūmotu. He nui ake, he iti iho rānei te maha o ngā iramoe. Ka kīia ēnei he kanoirite o taua pūmotu. Hei tauira, e 6 ngā iramoe o te nuinga o ngā ngota waro (C). Ka kīia tēnei ko te waro-12 (C-12). E 8 kē ngā iramoe o te waro-14 (C-14), he kanoirite te C-14 o te pūmotu waro.

Takenga Mai

pū ‒ origin, source

motu ‒ anything isolated

Tauira KŌrero

E hia te tau iraoho o te pūmotu hauota?

Rārangihia mai ngā pūmotu mātāmua e rua tekau.

E pātata ana ki te 75% o ngā pūmotu katoa, he konganuku.

WhakamĀrama Āpitihanga