!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

ngota

atom

tūingoa

WHAKAMĀRAMA

Te wāhanga mōkitokito rawa atu o tētahi matū, e hangaia ai taua matū. Kāore e kitea e te karu tangata, e te karu whārahi rānei. E 92 ngā momo ngota māori e mōhiotia ana, koirā te takenga mai o te nuinga o ngā pūmotu o te Taka Pūmotu. Hei tauira, ko te waro (C), ko te hāora (O), ko te konutea (Zn).

The smallest unit of material of which matter is made. Atoms cannot be seen by the human eye or optical microscopes. There are 92 different naturally occurring atoms that are known, and these make up the majority of elements of the Periodic Table, for example, carbon (C), oxygen (O) and zinc (Zn).

Tauira KŌrero

E hia ngā iraoho o te ngota hauota (N)?

Tuhia he pikitia hei whakaatu i te noho mai o ngā iraoho, ngā iramoe me ngā irahiko o tētahi ngota.

E rua ngā ngota hāora (O) ka hono atu ki te ngota waro (C) kotahi, koirā te rāpoi ngota e kīia ana ko te hauhā (CO2).

WhakamĀrama Āpitihanga

He karihi kei te pokapū o te ngota. He iraoho, he iramoe kei roto i te karihi (hāunga te hauwai (H), kāore ōna iramoe). He irahiko e nukunuku āwhio ana i te karihi. He ōrite te maha o ngā irahiko me te maha o ngā iraoho o tētahi ngota, nō reira kāore he whana hiko o te ngota. Ka kīia he ngotangota te iraoho, te iramoe me te irahiko nā te mea he iti ake i te ngota. 

He hoahoa tēnei o te ngota hauota (N):

 Ko tā te tau iraoho, he whakaatu i te maha o ngā iraoho o tētahi ngota. Ko tā te tau karihi, he whakaatu i te maha o ngā iraoho me ngā iramoe. E pēnei ana te whakaatu i te tau iraoho me te tau karihi ki te Taka Pūmotu:

Noho mai ai ngā irahiko o tētahi ngota ki ētahi whaitua i waho atu i te karihi, ki roto i aua whaitua āwhio haere ai. E rua ngā irahiko ka taea ki roto i te whaitua irahiko tuatahi, e waru ka taea ki te whaitua irahiko tuarua, tekau mā waru ka taea ki te whaitua irahiko tuatoru. Ka taea ngā irahiko e noho tawhiti ana i te karihi te whakawhiti atu ki ngota kē e pātata ana, ka taea rānei te hono atu ki ētahi ngota e rua. Mā konei e hono tahi ai he ngota hei rāpoi ngota, hei pūhui matū rānei.

Takenga Mai

ngota - fragment, particle

Tauira KŌrero

E hia ngā iraoho o te ngota hauota (N)?

Tuhia he pikitia hei whakaatu i te noho mai o ngā iraoho, ngā iramoe me ngā irahiko o tētahi ngota.

E rua ngā ngota hāora (O) ka hono atu ki te ngota waro (C) kotahi, koirā te rāpoi ngota e kīia ana ko te hauhā (CO2).

WhakamĀrama Āpitihanga