!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Matatini

kupu kura wānanga

academic vocabulary, academic word

tūingoa

WHAKAMĀRAMA

Ko ngā kupu e hāngai ana ki ngā kaupapa ako o te kura, o te whare wānanga. Kāore aua kupu e whakamahia i roto i ngā whakawhitinga kōrero o ia rā, he rerekē rānei te tikanga i reira. E mārama ai te ākonga ki te hōhonutanga o te kaupapa ako, me mōhio ia ki ngā kupu kura o taua kaupapa.

The words that are relevant to the various subjects taught in educational institutions. These words will not necessarily be used in everyday conversation, or they may have a different meaning. In order for a student to gain a deep understanding of a subject, they would need to know the relevant academic vocabulary.

Tauira KŌrero

He māmā noa iho te kapo a Hine i ngā kupu kura wānanga.

Kei te papakupu ā-ipurangi www.paekupu.co.nz ngā kupu kura wānanga e hāngai ana ki tēnā wāhanga ako, ki tēnā wāhanga ako o te marautanga.

Mā te ako me te whakamahi i ngā kupu kura wānanga, e koke ai te ākonga i roto i te kaupapa e akohia ana.

WhakamĀrama Āpitihanga

Hei tauira o ētahi kupu kura wānanga: 

KupuTikanga noa o ia rāTikanga kura
pereHe rākau ka tukua e te taputapu e kīia nei he kōpere.1I te pāngarau, he tohu hei whakaatu i te tawhiti me te ahunga o tētahi nekehanga torotika.
hihianiKāore tēnei kupu e whakamahia ana i ngā kōrero noa o ia rā.He pūrere ka whakamahia ki te whakatere waka, ki te kimi rānei i te wāhi noho o tētahi mea i te ātea.
pungaHe hanga taumaha (pērā i te kōhatu, i te maitai) e mau ana ki te taura ... ka tukua ki te takere o te wai kia kore ai te waka e nuku.2(I te wetereo) Ko tētahi o ngā kupu iti o tētahi reo ka tū ki mua, ki muri i ngā kupu whai tikanga pērā i ngā tūmahi me ngā tūingoa, e oti mai ai he rerenga kōrero.3
  
 
1Nō He Pātaka Kupu, nā Te Taura Whiri i te Reo Māori, nā Raupō i whakaputa (wh.627). 
2Nō He Pātaka Kupu, nā Te Taura Whiri i te Reo Māori, nā Raupō i whakaputa (wh.711). 
3Nō He Pātaka Kupu, nā Te Taura Whiri i te Reo Māori, nā Raupō i whakaputa (wh.711). 

Tauira KŌrero

He māmā noa iho te kapo a Hine i ngā kupu kura wānanga.

Kei te papakupu ā-ipurangi www.paekupu.co.nz ngā kupu kura wānanga e hāngai ana ki tēnā wāhanga ako, ki tēnā wāhanga ako o te marautanga.

Mā te ako me te whakamahi i ngā kupu kura wānanga, e koke ai te ākonga i roto i te kaupapa e akohia ana.

WhakamĀrama Āpitihanga