!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

kawenga pōkākā

heat conduction

tūingoa

WHAKAMĀRAMA

Ko te whakawhitinga o te wera i roto i tētahi matū, pērā i te maitai, te hau takiwā rānei.

The transfer of heat in a material such as steel or air.

Tauira KŌrero

He aha i pai ai te kawenga pōkākā o te rino?

Raupapahia ngā momo totoka, mai i te mea he kaha rawa te kawenga pōkākā, ki te mea kaha-kore.

Mā te tōiriiri o ngā korakora o tētahi mea totoka e kawea ai te pōkākā.

WhakamĀrama Āpitihanga

He tōiriiri kau ngā korakora o roto i ngā mea totoka, kāore e nekeneke haere. He kaha ake te tōiriiri o ngā korakora mēnā ka whakaweratia. Ka hōrapa haere te tōiriiri ki ngā korakora  e pātata mai ana, ā, mā konei e kawea ai te pōkākā:

 

He irahiko wātea e nekeneke ana ki waenganui i ngā korakora o tētahi konganuku. Ka tukituki haere ngā irahiko wātea nei me ngā korakora, ā, koirā e tere ai te kawenga pōkākā o te konganuku. Ka kīia he pūkawe pōkākā:

 

Karekau he irahiko wātea o ētahi atu mea totoka, pērā i te rākau, te kōata, te kirihou me te uku,  nō reira kāore i te pērā rawa te tere o te kawenga pōkākā. Ka kīia he ārai pōkākā ēnei momo totoka. 

Takenga Mai

kawe - carry, convey

pōkākā - hot, heat

Tauira KŌrero

He aha i pai ai te kawenga pōkākā o te rino?

Raupapahia ngā momo totoka, mai i te mea he kaha rawa te kawenga pōkākā, ki te mea kaha-kore.

Mā te tōiriiri o ngā korakora o tētahi mea totoka e kawea ai te pōkākā.

WhakamĀrama Āpitihanga