!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

konganuku

metal

tūingoa

WHAKAMĀRAMA

He rōpū pūmotu, ka takea mai te nuinga i ngā toka me ngā kohuke o Papatūānuku. Hāunga te konuoi, he totoka te katoa o ngā konganuku i te paemahana noa o ia rā.

A group of elements, most of which originate from the Earth’s rocks and minerals. Except for mercury, all metals are solid at normal temperatures.

Tauira KŌrero

He aha ētahi o ngā āhuatanga ōkiko o te konganuku?

Hoahoatia te noho mai o ngā ngota o tētahi konganuku.

Ina whakaranua ētahi konganuku e rua, ko te koranu tērā ka hua ake, pērā i te rauwhero - he ranunga o te konukura (Cu) me te tini (Sn).

WhakamĀrama Āpitihanga

Koia nei ngā āhuatanga ōkiko o te nuinga o ngā konganuku:


Ko te ōkai te hua ka puta i te tauhohe o tētahi konganuku me te hāora. Ko te whārite:

konganuku + hāora (O) → konganuku ōkai


Ka tauhohe ētahi konganuku me te wai (H2O). Ko te hua ka puta ko te konganuku waihā me te hauwai rehu (H2). Ko te whārite:

konganuku + wai (H2O) → konganuku waihā + hauwai rehu (H2) 

 

Koia nei ētahi o ngā hua ka puta i te tauhohenga o ētahi konganuku me te hāora, te wai me te waikawa:

Te konganuku 

Te tauhohe me te hāora 

Te tauhohe me te wai 

Te tauhohe me te waikawa 

konutai (Na)

Ka ngingiha i te hau takiwā  mātao, he totoka te hua.

Ka ake ina kuhuna ki te wai mātao.

He taikaha te ake ina kuhuna ki te waikawa mātao. 

konupora (Mg) 

Ina whakaweratia, he kaha te ngingiha, he totoka ka hua ake.

Ka puta he haurehu  ina kuhuna ki te wai wera.

He kaha te ake ina kuhuna ki te waikawa mātao. 

konutea (Zn)

Ina whakaweratia, ka  ngingiha, he totoka ka hua ake.

Ka ina kuhuna ki  te korohū.

He kaha te ake ina kuhuna ki te waikawa mātao. 

konumatā (Pb) 

Kāore e ngingiha.
He pōturi te tauhohe kia hua ake ai he totoka.

Kāore he tauhohenga.

He māmā te ake ina kuhuna ki te waikawa  mahana.

 

Koia nei ētahi o ngā whakamahinga matua o ētahi konganuku:

Te konganuku

Te whakamahinga

Ngā āhuatanga o te konganuku

konukura (Cu)

hei hanga paipa
hei hanga waea
hei hanga kōhua
 

He pōturi te tauhohe me te wai.
He māhorahora te kawe i te iahiko.
He pai hei kawe i te wera.

konumohe (Al)

hei hanga waka rererangi
hei hanga waea

He pakari, he māmā.
Kāore e tino tauhohe.
 He kōngohe, he pai hei kawe i te iahiko. 

konuoi (Hg)

ine-paemahana

He kaha te rahi haere o te konuoi ina whakaweratia.

konutea (Zn)

hei ārai waikura

Kāore e tautohe ona pāngia e te wai, e te hāora rānei.

hiriwa (Ag)

hei waihanga taonga rei

He kōngohe, he māngohe, kāore e tino tauhohe.

Takenga Mai

konga (kongakonga) - fragment, chip

nuku - the Earth

KUPU KĒ ATU

 mētara (kupu mino)

Tauira KŌrero

He aha ētahi o ngā āhuatanga ōkiko o te konganuku?

Hoahoatia te noho mai o ngā ngota o tētahi konganuku.

Ina whakaranua ētahi konganuku e rua, ko te koranu tērā ka hua ake, pērā i te rauwhero - he ranunga o te konukura (Cu) me te tini (Sn).

WhakamĀrama Āpitihanga