!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Te Reo Pāngarau

ōrau

percent (%)

tūingoa

WHAKAMĀRAMA

Ko tētahi hautanga o te kotahi rau. Hei tauira, ko te tikanga o te 79% ko te 79 o roto i te kotahi rau, arā, ko te 79/100 . He ōrite te 1/2  ki te 50%, arā, ko te 50 o roto i te kotahi rau.

A fraction out of one hundred. The symbol % is used to show percent. As an example, 79% means 79 out of one hundred, or as a fraction 79/100 . One half is the same as 50% or 50 out of a hundred.

Tauira KŌrero

E hia te ōrau o ngā tāngata he kahurangi ngā whatu? 

He kōtiro te 55% o ngā tamariki i tēnei kura.

Hurihia te 8% hei hautau noa.

WhakamĀrama Āpitihanga

Kotahi rau ngā wehenga o te tukutuku nei. E 35 e kauruku ana. Koia e whakaatu ana i te 35% o te papa tukutuku:

He ōrite katoa ēnei hautau: 35/100 = 35% = 0.35

 

Ka tino whakamahia te ōrau mō te whakahekenga utu i roto i te ao hokohoko. Hei tauira, ka pānuihia tētahi papawīra mō te $120 me te 15% whakahekenga ōrau:
Ka tātaihia te 15% o te $120: 0.15 × $120 = $18

Ka tangohia te $18 i te $120: $120 – $18 = $102

Nō reira, $102 te utu whakaheke mō te papawīra.

 

Ka whakamahia hoki te ōrau mō te whakapikinga utu me te Tāke Hokohoko (GST). Hei tauira, ka pānuihia te papawīra mō te $120 me te tāpiri anō i te 12.5% mō te Tāke Hokohoko:
Ka tātaihia te 12.5% o te $120: 0.125 × $120 = $15

Ka tāpiria ki te $120: $120 + $15 = $135

Nō reira, $135 te utu hoko o tēnei papawīra.

Takenga Mai

ō - of, belonging to

rau - hundred

KUPU KĒ ATU

paihēneti (kupu mino)

Tauira KŌrero

E hia te ōrau o ngā tāngata he kahurangi ngā whatu? 

He kōtiro te 55% o ngā tamariki i tēnei kura.

Hurihia te 8% hei hautau noa.

WhakamĀrama Āpitihanga