WhakamĀrama Āpitihanga
Ko te tukanga hangarewa rauwhero tēnei i whāia e Liz Grant hei whakaputa i tana mahinga toi nei, te pepetuna rauwhero:
1. Ka tāraia te pepetuna i te rawatoi māmā nei, te wākihi:
2. Ka whakamaua te tauira pepetuna ki te ‘rākau wākihi’. Ko ngā peka whāiti o te rakau, koirā hei kawe i te rauwhero rewa ki te pepetuna:
3. Ka uhia katoatia te ‘rakau wākihi’ ki te uku waiwai. Kia mārō, ka uhia anō ki te uku mātotoru ake:
4. Ka whakaurua te ‘rākau’ ki te umu. Ko tā te wera o te umu, he whakarewa i te wākihi i roto, he whakapaka hoki i te uku kia totoka:
5. E wera tonu ana te ‘rākau’, ka tangohia i te umu, ka huripokina, ā, ka tāhorongia te rauwhero rewa ki roto. Ka rere te rauwhero ki ngā wāhi katoa o roto i te ‘rakau’:
6. Kia mātao te rauwhero, ka wetekina te uhi uku o waho kia huraina te rauwhero totoka:
7. Ka tapahia te pepetuna i te ‘rākau’. Ka whakapaipaihia ngā wāhi i reira ngā peka o te ‘rākau’. Ka whakanikonikohia te tinana o te pepetuna:
8. Ka peitahia te pepetuna:
Liz Grant
Female pūriri moth
Te rauwhero me te peita hinu