!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Toi Ataata

uku

clay

tūingoa

WHAKAMĀRAMA

He momo oneone ka hua mai i te ngawheretanga o ngā toka o Papatūānuku i te manomano tau, i tino ririki ai ngā korakora. He pipiri ngā korakora o roto i te uku. Ina whakaranua ki te wai me ētahi atu matū pērā i te onepū, ka taea te tārai, ā, ka mau tonu te āhua i tāraihia.

A type of earth that results from the weathering of rocks over a long period of time so the particles are very small. The particles cling together, and if mixed with water and other substances such as sand, it can be sculpted and the shape is maintained.

Tauira KŌrero

Me pēhea te whakarite i te uku kia ngāwari, kia kōpē?

Whakamāramahia te tukanga i whāia e koe hei whakaputa i tēnei mahi āu, i tāraitia e koe i te uku.

Mā te miri i te mata o te uku ki te kōhatu whakamahine, e māene ai, e kanapa ai.

WhakamĀrama Āpitihanga

He rawatoi te uku hei hanga taonga ahu-toru, hei hanga papariki rānei. E taea ana tētahi kerengeo te tārai, te ahuahu ranei, kia puta ai te āhua e hiahiatia ana. Ka taea hoki te uku te pokepoke, te whakapiri, te whakairo hoki.

 

 

Mutu ana te tārai, te ahuahu rānei, ka waiho te taonga uku mō te takiwā o te wiki pea kia tetepe haere te uku, kia maroke. Ka kīia he taonga ukumata ināianei. Kātahi ka raua atu ki rō umuuku hahana tonu, kia paka, kātahi ka totoka.

 

 

Ko te uku koropungapunga te momo e tino whakamahia ana i te kura, arā, kāore i te pērā rawa te wera o te umu e totoka ai. Engari nā te koropungapunga, ka pipī tonu te wai ki roto i te uku, kāore e parea atu.

 

E whā ngā tikanga matua mō te mahi uku:

Ko te kōmiri uku, arā, ka kinikinitia te uku, ka pēhia, ka kotēngia, ka kōmiria kia puta ai te āhua e hiahiatia ana. Mēnā he ipu te hua o tēnei tikanga mahi, ka kīia he ipu kiniuku.

 

Ko te hanga ā-papa, arā, ka rōrangia te uku kia papatahi, ā, ka hangaia te āhua e hiahiatia ana mā te whakapiri i ngā papa uku.

 

Ko te niko, arā, ka mahia te uku kia rite ki te neke te āhua, ā, mā te pōkai, mā te niko, e puta ai te hanga e hiahiatia ana.

 

Ko te tāwhirowhiro uku, arā, ka whakamaua te kerengeo ki te wīra uku, ā, mā te hurihuri i te wīra me te miri a te ringaringa, e tāraitia ai te hanga e hiahiatia ana.

 

He tauira ēnei o ētahi taputapu mahi uku:

KUPU KĒ ATU

kere

Tauira KŌrero

Me pēhea te whakarite i te uku kia ngāwari, kia kōpē?

Whakamāramahia te tukanga i whāia e koe hei whakaputa i tēnei mahi āu, i tāraitia e koe i te uku.

Mā te miri i te mata o te uku ki te kōhatu whakamahine, e māene ai, e kanapa ai.

WhakamĀrama Āpitihanga