!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Toi Ataata

peita ~hia

paint, painting

tūingoa, tūmahi whiti

WHAKAMĀRAMA

E rua ngā whakamahinga o tēnei kupu hei tūingoa:

  • He rawatoi toi ataata, hei tuhi ki tētahi papa. He kano kua whakaranua ki tētahi momo wē, pērā i te wai, i te hinu, i te waikawa kiriaku rānei, ā, i te nuinga o te wā, mā tētahi momo paraihe e pania ai te peita ki te papa.
  • Ko te mahinga toi ataata ka hua mai i te tuhinga o tētahi papa ki tēnei momo rawatoi, te peita.

Ka whakamahia hoki tēnei kupu hei tūmahi, arā, ko te hoatu i tēnei momo rawatoi ki te mata o tētahi mea.

There are two main uses of this word as a noun:

  • A visual arts medium used for marking a surface. Pigment is mixed with a liquid such as water, oil or acrylic acid, and mostly applied with a brush.
  • The visual artwork that results from the application of this medium to a surface.

This word is also used as a verb, to describe the application of paint to a surface.

Tauira KŌrero

Ko tēhea te momo peita he tere maroke – te peita hinu, te peita wai rānei?

Ko wai mā ētahi o ngā ringatoi rongonui o te ao Māori ki te peita?

Mā te whakaranu i te peita me te peita whero e hua mai ai te māwhero.

WhakamĀrama Āpitihanga

E toru ngā momo peita matua:

 

Arā kē ngā momo taputapu hei tuhi i te peita ki te papa, ko te paraihe te mea matua, engari ko te matimati tonu o te tangata peita, ko te hautai, ko te rau rākau, ko te rango, ko te paraihe kōkōhau ētahi atu.

Ka kīia te taputapu e whakaaturia nei, he tīrewa peita, ina ka whakanōhia te papa peita ki te tīrewa i te wā e peitatia ana:

E whā ngā papa peita matua, ko te kānawehi kikī kua whakamaua ki te taitapa, ko te papamuka, ko te pepa, ko te papa rākau hoki. He anga kānawehi tēnei:

 

Arā kē ngā tātaitanga peita o te ao whānui, o roto hoki i te ao Māori. Hei tauira o ētahi:

Ko te āhua o te peita i ngā heke me ngā poupou o ō tātou wharenui i te wā i a Te Kooti, i te whakamutunga o ngā tau 1800, pērā i te whare o Rongopai:

 

Ko te tātaitanga peita a Sandy Adsett, arā, te āhua o tana whakamahi i ngā tikanga o te kōwhaiwhai, ōna tae, te tā i te hua o ngā koru, me ētahi atu āhuatanga auaha kua whakatinanahia e ia.

Sandy Adsett
Awhiowhio - Whirlwind
Te peita kiriaku i te papamārō

 

Ko te peita tūrehurehu, arā, kāore te mahinga toi e ōrite ana ki te āhua o tētahi mea tūturu. 

 

Kura Te Waru Rewiri
Ko tēnei te tohu 'T'.
Te peita paura kiriaku i te kānawehi

 

Ko te peita kōpura. Nā Claude Monet o Parī i tīmata i te rautau 19. Ko te aronga o tēnei momo peita, ko te whakaatu i tā te ringapeita i kite ai, tāna i rongo ai i tana tirotiro i te kaupapa o te peita. Ko te whakaata i te aho, ko ngā tahinga paraihe poto, ko te kōmitimiti o ngā tae ētahi āhuatanga o te peita kōpura:

Claude Monet
Impression Sunrise
Te peita hinu i te kānawehi

 

Ko te peita matahuhua. Nā Pablo Picasso i tīmata i ngā tau tōmua o te 1900. Ko tā rātou he wāwāhi i te kaupapa o te peita ki ētahi āhua mata huhua, pērā i te tapatoru me te tapawhā hāngai, me te whakapiri anō i aua wāhanga. E ai ki ētahi, ko te kōata pākarukaru te rite:

Pablo Picasso
Three Musicians
Te peita hinu i te kānawehi

 

Ko te toi arotini. He tātaitanga hou tēnei, tīmata mai i Ingarangi me Amerika ki te Raki i te ngahuru tau 1950. Ko te āhuatanga matua o te toi arotini, he kapo, he whakamahi i ngā momo ata e kitea ana i ngā pakiwaituhi, i ngā pānui hokohoko, i ngā rongo kōrero o te wā.

Kelcy Taratoa
Replication 29
Te peita kiriaku i te kānawehi papamuka

 

Ko te peita tangata, arā, ko te tinana tangata te kaupapa, ahakoa he tūturu te āhua, he whaihanga, he tūrehurehu rānei. 

He ata pono tēnei peita tangata:

Sofia Minson
Travis Rapana
Te peita hinu i te kānawehi

 

He ata whaihanga tēnei peita tangata:

Cliff Whiting
Māori image on film
Te pene whītau me te peita waikano

 

Ko te toi pohewa. Tīmata mai tēnei momo i Parī i te tau 1924. He whakauruuru i te moemoeā me te pono te āhua o ngā peita pohewa, ka puta i te hinengaro pōteretere o te ringapeita, he pūkare anō hoki.

He tauira o te toi pohewa tēnei peita tangata:

Victor Te Paa
Reitū rāua ko Reipae
Te peita kiriaku me te ngārahu i te pepa

 

Takenga Mai

He kupu mino.

KUPU KĒ ATU

pani

Tauira KŌrero

Ko tēhea te momo peita he tere maroke – te peita hinu, te peita wai rānei?

Ko wai mā ētahi o ngā ringatoi rongonui o te ao Māori ki te peita?

Mā te whakaranu i te peita me te peita whero e hua mai ai te māwhero.

WhakamĀrama Āpitihanga