!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Toi Ataata

whakarākei whakaahua

image manipulation

tūingoa

WHAKAMĀRAMA

Ko ngā momo mahi hei whakarerekē, hei whakapai ake rānei i tētahi whakaahua.

The techniques used to change or refine an image.

Tauira KŌrero

He nui ngā whakarākei i ngā whakaahua o ngā tāngata purotu i ētahi maheni, kia rerehua kē atu ai ō rātou āhua.

Ki tō titiro, he aha ngā whakarākei whakaahua e tika ana mō tēnei pikitia?

Whakamāramahia ngā momo mahi i te rorohiko hei whakarākei whakaahua.

WhakamĀrama Āpitihanga

Koia nei ētahi o ngā momo whakarākei whakaahua e taea ana i ētahi hōtaka rorohiko, ka kīia ko te kōwhiringa taputapu:

 

āhua ahu-rua

Hei tuhi ā-ringa i tētahi āhua.

apa

 

Ko ngā paparanga e hangaia ai tētahi whakaahua. hei tauira, ko ngā rārangi pea o tētahi whakaahua kei tētahi apa, ko ngā tae kei tētahi, ko ngā tuhinga kōrero kei tētahi atu.

ara

 

He rārangi torotika, kōpiko rānei, mai i tētahi pūwāhi ki tētahi.

ataringa

Hei pōkai haere i roto i te roanga atu o tētahi tuhinga, e tere tau atu ai ki te wāhi e hiahiatia ana.

hanumi

 

Ko te whakakotahi mai i ngā huānga katoa, ngā apa katoa o tētahi whakaahua i muri i te whakarākei i aua huānga, aua apa rānei.

heihei

 

Ko te taurangi, te tāhapa rānei o ngā tae, o te tāhina rānei o roto i tētahi whakaahua.

kapohanga o mua

Hei whakahoki mai, hei tiki atu rānei i te hanga o te whakaahua i mua i tētahi mahi whakarākei.

kaweatu

Ko te tuku atu i tētahi kōnae i tō rorohiko ki wāhi kē atu.

kawemai

 

Ko te whakawhiti i tētahi whakaahua, tuhinga, oro, raraunga kē atu rānei, mai i tētahi kōnae i tō rorohiko ki te kaupapa e mahi nā koe.

kōmitimiti

 

Ko te hono i ētahi wāhanga o te whakaahua, mā te āta whakahanumi i ngā tae.

kōmuru

Hei whakakore atu i tētahi wāhanga o te whakaahua.

kōnae

He kōpaki tāhiko i te rorohiko hei pupuri whakaahua, hei pupuri kōrero, hei pupuri raraunga kē atu rānei.

kotikoti

Hei wehewehe i tētahi whakaahua ki ētahi wāhanga iti, he torotika ngā tapa o aua wāhanga iti.

kōwhiringa taputapu

Ko te rārangi o ngā pūtohu e hāngai ana ki ngā momo whakarākeitanga e taea ana e tētahi hōtaka rorohiko whakarākei whakaahua.

kōwhiti kano

Ko te tīpako, te roherohe rānei i t/ētahi wāhanga o te whakaahua i runga i te tae, te kakano, te tāhina rānei o t/aua wāhanga.

kōwhiti tapawhā

He momo tīpako i tētahi wāhanga o te whakaahua. He tapawhā hāngai te āhua o te kōwhitinga.

mata

Hei whakarerekē i te āhua o te wāhi mahi i te mata o te rorohiko.

nuku

Hei kukume i tētahi wāhanga, tētahi paparanga rānei o te whakaahua ki wāhi kē atu i te mata o te rorohiko. Mā te kiore, mā te pene matihiko rānei e nukua ai.

pato huapae

Kia huapae te puta o ngā tuhinga kōrero ka patoa ki te papa pātuhi o te rorohiko. He maha ake ngā kōwhiringa mō te āhua o ngā tuhinga.

pato poutū

Kia poutū te puta o ngā tuhinga kōrero ka patoa ki te papa pātuhi o te rorohiko.

pene

Hei tuhi ā-ringa i tētahi ara, hei tīpako ā-ringa rānei i tētahi wāhanga o te whakaahua. Mā te kiore e nukua ai te pene i te mata o te rorohiko.

poro

   

Ko te tope atu i tētahi wāhanga o te whakaahua. He tauira tēnei.

pūrehurehu

Ko te mahi hei whakawairua i tētahi whakaahua, kia kore ai e pērā rawa te mārama, te ngangahu rānei.

pūrua

Ko te kapo i tētahi wāhanga o te whakaahua me te tārua anō ki wāhi kē.

rārangi tīaroaro

 

Ko ngā rārangi ka puta ki te mata o te rorohiko hei āwhina ki te whakanoho i ngā whakaahua, i ngā tuhinga rānei ki te wāhi e tika ana. Ina tāngia, kāore ngā rārangi tīaroaro e kitea.

tahitahi kano

Hei panipani i te tae ki te whakaahua, ki tētahi wāhanga rānei o te whakaahua. Ko tōna rite ko te paraihe hei pani ā-ringa i te peita.

tāhuahua

Ko te mahi kia tino rite te whakaahua ahu-rua ki te hanga ahu-toru e whakaahuangia ana. I te nuinga o te wā, mā te rāwekeweke i ngā ātārangi, ngā wāhanga mātāuri, ngā wāhanga mātātea me te āhua o te kauruku, e tāhuahuatia ai te whakaahua.

tākaho

   

Ko te mahi kia tea ake tētahi wāhanga o te whakaahua. He tauira tēnei.

tapi

Hei whakatika i ngā makenu o tētahi whakaahua, pērā i te rapi me te kōiraira. Ka kōmitimitia te wāhi ki ngā taha hei whakakore atu i te makenu.

tārore

He momo kōwhiti i tētahi wāhanga o te whakaahua. Mā te kiore, mā te pene matihiko rānei e tārorea ai te wāhanga e hiahiatia ana.

tārua

Ko te mahi hei hanga i tētahi whakaahua tuarua e ōrite ana ki te whakaahua tuatahi (wāhanga whakaahua rānei).

tāuriuri

Ko te mahi kia pōuriuri ake, kia hākerekere ake tētahi wāhanga o te whakaahua.

tikiake

Ko te tiki atu i tētahi kōnae matihiko hei whāwhā māu i tō rorohiko.

tīpako

Ko te roherohe i tētahi wāhanga o te whakaahua hei whakarākei, hei whakatika, hei tārua rānei.

Ko te kōwhiti i ngā poro rārangi o tētahi whakaahua me ngā pūwāhi kei ngā pito o aua rārangi, hei mahi, hei whakarākei.

topa

Hei whakatata, hei whakatawhiti rānei i ngā āhuatanga e kitea ana i tētahi whakaahua.

Hei whakatata i tā te karu e kite ana i tētahi whakaahua. Ka pai ake te kitea o ngā mokamoka o tētahi wāhanga o te whakaahua, engari kāore i te pērā rawa te rapa.

Hei whakatawhiti i tā te karu e kite ana i tētahi whakaahua. Ka whānui ake te rapa o te whakaahua, engari kāore e pai te kitea o ngā mokamoka.

tukuatu

Ko te tuku atu i tētahi kōnae matihiko ki wāhi kē atu, ki rorohiko kē atu.

turumata

Hei kapo i te tae o tētahi wāhanga o te whaakaahua, hei tārua ki wāhi kē atu, kia rite ai.

ukupara

Hei panipani i ngā tae o tētahi whakaahua.

whakahawe

  

Ko te mahi kia rerekē, kia hikuwaru, kia hē, kia hapa rānei tētahi whakaahua. He tauira tēnei.

whakakī

Ko te whakauru i te tae, i te tauira, i te kauruku rānei ki tētahi wāhanga o te whakaahua.

whakangangahu

   

Ko te mahi kia ariari ake, kia mārama ake tētahi whakaahua. He tauira tēnei.

whakatika

Ko te mahi kia pai ake tētahi whakaahua, tētahi kōrero rānei.

whakatongitongi

Ko te whakaheke i te maha o ngā tongiiti o tētahi whakaahua, o tētahi wāhanga rānei o te whakaahua, kia āhua pūrehurehu, kia kore ai e pērā rawa te mārama, te ariari rānei o te whakaahua. Hei tauira:

 

KUPU KĒ ATU

raweke whakaahua

Tauira KŌrero

He nui ngā whakarākei i ngā whakaahua o ngā tāngata purotu i ētahi maheni, kia rerehua kē atu ai ō rātou āhua.

Ki tō titiro, he aha ngā whakarākei whakaahua e tika ana mō tēnei pikitia?

Whakamāramahia ngā momo mahi i te rorohiko hei whakarākei whakaahua.

WhakamĀrama Āpitihanga