WhakamĀrama Āpitihanga
Ko tā te kauruku, he whakaatu i te ātārangi i tētahi pikitia, ā, mā reira e mōhiotia ai te aronga o te aho, ā, e whai hōhonutanga anō ai te pikitia:
Ko te pene rākau me te ngārahu ngā rauemi matua mō te kauruku. Mēnā he kaha te pēhi i te pene rākau, i te ngārahu rānei, he uriuri ake te āhua o te kauruku. Mēnā he māmā noa iho te ringa tā, he tea ake te kauruku:
He tauira atu anō tēnei o te kauruku:
Huia Edmonds
Hei Tiki Kura
Te matāpango me te peita kiriaku i te pepa
Ko te kauruku whakarārangi tētahi tikanga mō te kauruku. Arā, ka tāngia ētahi rārangi maha, taha ki te taha. Mā te kaha o te ringa ki te pēhi i te pene rākau e uriuri ai, e tea ai rānei te kauruku:
Ko te kauruku whakahāngai tētahi atu tikanga kauruku. He kitakita te kauruku i te taha matau, nā te pipiri o ngā rārangi. He tea ake te kauruku i te taha mauī, nā te mea kāore i te pērā rawa te noho pipiri o ngā rārangi:
He tauira tēnei o te kauruku tongitongi. Mēnā e tino pipiri ana ngā tongi, he uriuri te kauruku. Mēnā he wehewehe ngā tongi, he āhua tea te kauruku:
Ina āta miria ngā tānga kauruku, ka kīia tērā tikanga ko te kōmitimiti. Mā te matimati, mā tētahi taputapu rānei pērā i te rākau māeneene me te hautai, e oti ai te kōmitimiti:
