whakahaere rawa

resource management

WHAKAMĀRAMA

Ko tā tētahi rōpū whakamahere i te whakamahinga o āna rawa kia tutuki ai āna whāinga me te toitū anō o ngā rawa.

A group's planning to utilise the resources at their disposal in order to achieve their goals in a sustainable manner.

Tauira KŌrero

Kua whakatūria e te marae he wānanga mō te whakahaere rawa i runga anō i tā te Māori titiro.

Ki te kore e āta whakatauria he kaupapa mō te whakahaere rawa, ka raru pea te pakihi ā tōna wā.

Ko te āta tiaki i ngā rawa kia toitū tonu, koia tētahi mātāpono matua i te whakahaere rawa.

WhakamĀrama Āpitihanga

Ka pā te whakahaere rawa ki ngā horopaki maha, ki ngā momo rawa maha. Hei tauira:

Ko tā te mana tōrangapū o tētahi whenua, ko tā tētahi rōpū kē rānei whakahaere i ngā rawa o te taiao, pēnei i te whakamahinga o te wai māori; i te whakamahinga o te whenua mō te pāmu, mō te whakatū whare, mō te aha kē rānei; i te hao ika; me te kaiapo kohuke pēnei i te onepū rino.
Ko tā te pakihi whakamahi i ōna pūmanawa tangata me āna rawa pēnei i āna hangarau, i āna pūtea me ōna whenua, hei whakatutuki i ngā whāinga a te pakihi.

Ko tētahi āhuatanga o roto i te whakahaere rawa, ko te tāpuna rawa, e toitū ake ai te whakamahinga o aua rawa rā. Koia ko te whakarōpū mai i ngā rawa hei whakamahinga mā te tini. Hei tauira:

Ko te tāpuna taputapu, pērā i te whakamahinga a ētahi whānau e rua, nui ake rānei i te mīhini tapahi pātītī kotahi.
Ko te whakatōpū i ngā huarawa a tētahi pakihi, mā reira e iti ai te tūraru, e nui ake ai ngā hua.
Ko te tāpuna motukā, arā, ko te haere a ngā tāngata tokomaha mā runga i te motukā kotahi, kaua ko tēnā i tōna ake, ko tēnā i tōna ake. He whakaiti i te tukuna o te hauhā ki te takiwā, he whakaiti i te utu kōhinu ngā take.

Kua whakatūria e te marae he wānanga mō te whakahaere rawa i runga anō i tā te Māori titiro.

Ki te kore e āta whakatauria he kaupapa mō te whakahaere rawa, ka raru pea te pakihi ā tōna wā.

Ko te āta tiaki i ngā rawa kia toitū tonu, koia tētahi mātāpono matua i te whakahaere rawa.