Ko te whakamahi i tētahi rauemi tūponotanga hei whakaata i ngā putanga o tētahi pūāhua tūturu.
The use of probability tools to reflect the outcomes of the real world situation.
Tauira KŌrero
He aha tētahi whaihanga hei whakaatu i ngā putanga o ngā kēmu katoa o te kapa Ōpango i tēnei tau?
Ko te hunga pūtaiao e tino whakamahi ana i te whaihanga, e mārama ai rātou ki ngā take maha o te taiao.
Whakamahia te uka hei whaihanga i te putanga o te kōtiro, o te tama rānei.
WhakamĀrama Āpitihanga
Hei tauira o te whaihanga, ko te whakamahi i te uka hei whiriwhiri i te tūponotanga ka toru ngā tama, ka toru rānei ngā kōtiro i tētahi whānau tamariki tokotoru:
Ko te piu i te uka hei tohu i te whānautanga o tētahi tamaiti.
Ko te upoko hei tohu i te kōtiro, ko te whiore hei tohu i te tama.
Ka toru ngā piunga o te uka, ā, ka tuhia ngā putanga.
Ka tāruaruatia, kia 1,000 ngā piunga e 3 o te uka.
Ka tatauria te maha o ngā wā ka puta ētahi upoko e toru, ka puta rānei ētahi whiore e toru.
Ka whakawehea ērā ki te 1,000, ā, koirā te tūponotanga whakamātau. Hei tauira, mēnā 107 ngā wā ka puta ētahi upoko e 3, e 98 ngā putanga o ētahi whiore e 3, hui katoa ko te 205 o roto i te 1,000. Nō reira ko te 0.205 te tūponotanga whakamātau ka toru ngā tama, ka toru rānei ngā kōtiro.
Takenga Mai
whaihanga - make, construct, busy oneself with
whai - to follow, to be equipped with, to have
Tauira KŌrero
He aha tētahi whaihanga hei whakaatu i ngā putanga o ngā kēmu katoa o te kapa Ōpango i tēnei tau?
Ko te hunga pūtaiao e tino whakamahi ana i te whaihanga, e mārama ai rātou ki ngā take maha o te taiao.
Whakamahia te uka hei whaihanga i te putanga o te kōtiro, o te tama rānei.