!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Toi Ataata

tukutuku

tukutuku (lattice work, interior woven panels of wharenui)

tūingoa

WHAKAMĀRAMA

He papa whakanikoniko mō roto i te wharenui, ka whatua ki te kiekie me te pīngao.

Decorative panels for the interior of a meeting house, woven with kiekie and pīngao.

Tauira KŌrero

Rangahautia ētahi o ngā aronga hou, ngā rawa hou, me ngā tikanga hou o te tukutuku kua hua ake i ngā tau tata kua pahure ake nei.

He aha ngā whakamārama mō ētahi o ngā tauira tukutuku a ngā mātua tīpuna?

E tino kitea ana te hangarite i te nuinga o ngā tauira tukutuku.

WhakamĀrama Āpitihanga

Ka hangaia te papa tukutuku ki te toko poutū me ngā kaho huapae, ā, ka kōtuia ēnei ki te whā kiekie, ki te pīngao rānei. I ētahi papa tukutuku, ka herea ngā kaho me ngā toko poutū ki tētahi tāhū e kīia ana ko te tūmatakahuki.

 

 

He mea tākirikiri te kiekie me te pīngao kia rite ai te whānui o ngā whā, ā, he tukanga ka whāia kia te tae o te kiekie, ka tāwaitia rānei kia pango, kia tae kē atu rānei. Ko te here motuhake hei hono i ngā whā, ko ‘te here a Mātuku-tangotango’, ā, ka noho huna te here nei ki muri o te papa tukutuku.

 

 

I whāia tētahi aronga hou mō te tukutuku i te  hanganga o te wharenui o Porourangi i te ngahuru  tau o te 1880. Arā, ka whakaaturia he tinana tipuna ki te tukutuku. Ka whāia anō tēnei āhuatanga hou i te whakarauoratanga o te wharenui o Koriniti i te awa o Whanganui i te tau 1973. I konei, ka peitatia te upoko o te tipuna, ā, ka whatua tōna tinana ki te papa tukutuku:

 

He aronga hou atu anō o te tukutuku i tūhuratia e Cliff Whiting i roto i āna matarahi, arā, kia kōpikopiko te āhua o te tukutuku. He tauira tēnei i te matarahi o Te Wehenga o Rangi rāua ko Papa:

 

He whai tikanga ngā momo tauira tukutuku a ngā mātua tīpuna, arā, he kōrero kei roto. Koia nei ētahi o ngā tauira o nehe me ō rātou ingoa:

Tauira KŌrero

Rangahautia ētahi o ngā aronga hou, ngā rawa hou, me ngā tikanga hou o te tukutuku kua hua ake i ngā tau tata kua pahure ake nei.

He aha ngā whakamārama mō ētahi o ngā tauira tukutuku a ngā mātua tīpuna?

E tino kitea ana te hangarite i te nuinga o ngā tauira tukutuku.

WhakamĀrama Āpitihanga