WhakamĀrama Āpitihanga
Koia nei tētahi o ngā tukanga tāwai heke iho a ngā mātua tīpuna kia pango ai te kiekie:
Ka kohia mai te hiako o te rākau tutu, o te makomako, o te hīnau rānei. Ka paopaotia kia puta ai te wai o roto. Ka kōhuatia ngā maramara hiako nei me ngā whā kiekie, ā, ka waiho ai mō tētahi wā. Ka kīia tēnei wai ko te waitumu, ko te tūmau kano rānei, inā koia tāna mahi, he whakapūmau i te waitae ki roto i ngā weu o te kiekie. Kātahi ka tanumia ki rō paru e whai rino ōkai ana (Fe2O3) mō te toru rā. Ka horoia te kiekie, ā, ka whakairia kia whitikina e te Rā, nāwai rā, ka pango.
