WhakamĀrama Āpitihanga
Ko te tū a te tangata tētahi āhuatanga matua hei whakaatu māna i te wairua o tana haka, o tana waiata, o tana whakaari. He rerekē te ngoi o tēnā momo tū, o tēnā momo tū. Koia nei ētahi:
- te tū mataara
- te tū tangatanga
- te whakamatika
- te tū mehameha
- te tuohu
He wā ka tū mataara i te tū o te mātātoa, he wā ka tangatanga te tū hei whakaatu i te harakoa, he wā anō ka whakaaturia te mate kanehe, otirā ko ērā momo tū rerekē katoa o te tinana.
Koia nei ētahi kupu e pā ana ki te tū a te kaihaka:
- Ko te tū hengere, te turi whati rānei. He matika te tuara, he piko ngā turi:
- Ko te tū whakarehu. He matika te tū, ko te waewae mauī ki muri:
- Ko te tū ā-Hinetītama. He matika te tinana, ka tū ngā waewae taha ki te taha:
- Ko te tū koutu. Ka toro whakamua, ko te waewae matau ki muri. Ko te tū kōutuutu, ko te waewae matau ki muri, me te piu o te tinana ki mua ki muri:
- Ko te tū tāneroa. Ka toro whakamuri:
