tīhake tao

cookware, bakeware

Ko ngā momo ipu ka taona he kai ki roto.

Types of containers in which food is cooked.

Kei roto i te kāpata rā ngā tīhake tao.

Kaua e hoko i ngā tīhake tao i hangaia ki te konumohe.

Arā ētahi tīhake tao mō roto i te umu, arā anō ētahi mō runga tārahu.

Koia nei ētahi momo tīhake tao:

Tīhake tao	Whakamārama	Pikitia
kumete	Hei tao i ngā momo kai pērā i te tiu, ki rō umu. He taupoki tōna kia noho tonu ai te koromāhu ki roto, kia kaua te kai e maroke.
kōhua	Hei tao i ngā momo kai maha ki te tō, ki te tārahu rānei. Ka kōhuatia ngā kai i rō kōhua. Ko te hōpane hei kupu atu anō mō tēnei momo tīhake.
parai	Hei tahu i ngā momo kai pērā i te hēki, ki te tō, ki te tārahu rānei.
paeumu	Hei tunu i ngā momo kai pērā i te pihikete ki rō umu.
wāka	He paepae tao kai nō Haina, mō runga tārahu. He āhua whāiti a raro, he whānui ake a runga. Hei tunu i ngā momo kai pērā i te parai konatu.
paetunu	Mō roto i te umu, hei tunu i ngā momo kai pērā i te mīti me te huawhenua.
paetunu keke	Ka tāhoroa te ranunga keke ki te paetunu keke, kātahi ka raua atu ki rō umu.