tao ~na

cook, cooked (food)

WHAKAMĀRAMA

He kupu whānui mō te whakarite i te kai kia kaingia, mā tētahi tukanga whakawera. Mā te tao e haumaru ai ētahi kai, e reka ake ai ētahi, e māmā ake ai te nakunaku i ētahi. He maha ngā momo tao kai pērā i te tahu, te hunuhunu me te kōhua.

A general word for the preparation of food for consumption, through a process of heating it. By cooking, some foods become safe to eat, some become more palatable, and some more digestible. There are many ways of cooking food, such as frying, grilling and boiling.

Tauira KŌrero

Kei a ia ngā pukapuka tao kai a tōna matua.

Taongia te mīti ki roto i te umu.

Me pēhea te tao i tēnei tapahanga kikokau kia ngaore ai?

WhakamĀrama Āpitihanga

Mēnā ka roa rawa te tao i tētahi kai, ka ngaro pea tōna tāwara me ōna taiora, ka kākatikati, ka tāromiromi rānei. Ka kīia he tao tuhene te kai.

Ko te mangungu te tauaro o tērā, arā, kāore i rawaka te tao. Ki te mangungu te kai ka noho tonu pea he huakita tahumaero ki roto, kāore pea e ngaore, ka kore pea e nakunakua e te puku.

I ētahi wā ka taomuatia te kai i mua rawa i te wā e kaingia ai. Kātahi ka whakaweratia, ka whakaotia rānei te tao i mua tata tonu i te wā kai.

Mō te tao mīti, tērā ko te totokore, ko te tūāmaoa, me te tūāmata - he kōwhiringa mō te roa o te tao. Karekau he paku toto, he tae pūwhero e kitea i te mīti totokore. E kitea ana te pūwhero i te mīti tūāmaoa, e tino kitea ana i te mīti tūāmata. Hei tauira:

Ka tetepe ētahi kai ina taongia, arā, ka panoni te āhua waiwai o te kai kia kukū tonu. Hei tauira ko te hēki kaurori me te kahitete. Mā te āpiti i te ranunga puehu parāoa e tetepe ai te wairanu me te kīnaki.

Hei tauira o ētahi momo tao i te kai: