Hauora

tairaru

crisis, predicament, serious problem

tūingoa

Ko te aranga ake o tētahi raru nui, o tētahi aituā rānei, ko te tutūnga o te puehu nui rānei.

The emergence of a serious problem, disaster or conflict.

He tairaru hauora, he tairaru ohaoha hoki te horapa whānui o te mate urutā i te tau 2020.

Ka tino whakamātauria te tū kotahi o te whānau, o te hapū, o te iwi, otirā o te hapori whānui i ngā wā o te tairaru.

Me pēhea e whakamauruhia ai te tairaru whiwhi whare, e patu nei i te hunga rawakore huri noa i Aotearoa i tēnei wā?

Koia nei ētahi tairaru ka kōrerohia whānuihia:

Ko te tairaru hauora, arā, ka tino pāngia te iwi, tētahi wāhanga rānei o te iwi ki tētahi momo mate. Ko te tairaru rānei o te pūnaha hauora ki te tiaki i te marea.
Ko te tairaru pāpori, pērā i te piki o te whakamomori i waenga i te hunga taiohi.
Ko te tairaru taiao, pērā i te parahanga me te tāhawahawatanga o te wai.
Ko te tairaru ā-whānau, pērā i te takanga o te whānau ki te kāingakoretanga.
Ko te tairaru āhuarangi, arā, ko te mahana haere o te ao me ngā tūmomo raru ka hua ake i tērā.
Ko te tairaru tuakiri. Koia ko te rangirua, ko te pōkaikaha o te tangata ki a ia anō, ki ōna uara, ki ōna whakapono, ki āna whanonga, nā runga pea i āna pahekoheko ki tangata kē, nā tētahi panonitanga matua i tōna ao, nā ngā awenga pāhopori, nā take kē atu rānei.

tai - prefix with a qualifying force

raru - problem, trouble, difficulty

raru ki tai

He tairaru hauora, he tairaru ohaoha hoki te horapa whānui o te mate urutā i te tau 2020.

Ka tino whakamātauria te tū kotahi o te whānau, o te hapū, o te iwi, otirā o te hapori whānui i ngā wā o te tairaru.

Me pēhea e whakamauruhia ai te tairaru whiwhi whare, e patu nei i te hunga rawakore huri noa i Aotearoa i tēnei wā?