!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Toi Ataata

raku (uku)

raku

tūingoa

WHAKAMĀRAMA

He momo mahi uku i takea mai i te whenua o Hapanihi. I te nuinga o te wā, he ahuahu ā-ringa i te taonga uku, ā, kāore i te pērā rawa te hahana o te whakapaka.

A type of pottery and clay process which originates from Japan. Usually the pottery is shaped by hand and is fired at lower temperatures.

Tauira KŌrero

He aha ngā tikanga tawhito o Hapanihi mō te mahi raku?

He matawhawhati te āhua o te taonga raku ka puta i te umuuku, kāore e mōhiotia ka pēhea.

Ina oti te whakapaka raku, he koropungapunga tonu te uku, arā, kāore te wai e parea.

WhakamĀrama Āpitihanga

Hei whakarāpopoto i te mahi raku:

  • Ka oti te whakapaka tuatahi, arā te whakapaka totoka, kātahi ka pania te taonga raku ki te kirimōhinu.
  • Ka kuhuna atu ki rō umuuku mō te wā poto noa iho (te 30 meneti pea), ki te takiwā o te 1,000°C te paemahana.
  • Mā te pīnohi e tangohia ai te taonga, ā, ka raua atu ki rō kēne, he matū ngingiha kei roto, pērā i te maramara rākau. Ka taupokina te kēne.
  • Ka pau i te ahi te hāora katoa o roto i te kēne me te kapo anō i te hāora o roto i te uku me te kirimōhinu. Mā konei e hua ake ai ngā tauira me ngā tae matawhawhati, arā, mā tēnei whakapaunga o te hāora.

1. Ka pania te taonga whakapaka ki te kirimōhinu.

2. Ka kuhuna ki rō umuuku.

3. Ka raua atu ki roto i tētahi matū ngingiha.

4. Ko ngā taonga raku ka hua.

Takenga Mai

He kupu mino (Hapanihi).

Tauira KŌrero

He aha ngā tikanga tawhito o Hapanihi mō te mahi raku?

He matawhawhati te āhua o te taonga raku ka puta i te umuuku, kāore e mōhiotia ka pēhea.

Ina oti te whakapaka raku, he koropungapunga tonu te uku, arā, kāore te wai e parea.

WhakamĀrama Āpitihanga