Hauora

pūio kawititanga ringa

carpal tunnel

tūingoa

WHAKAMĀRAMA

He ara whāiti kei te kawititanga o te ringa e kōpakina ana e ngā wheua kawititanga, mā reira haere ai ngā ioio e taea ai ngā matimati te whakapiko. 

A narrow passageway in the wrist surrounded by the carpal bones, through which the nerves that enable the fingers to bend travel.

Tauira KŌrero

Hei te Rāhina te poka pūio kawititanga ringa o taku kuia.

Nā te mate haere o te pūio kawititanga ringa o taku kuia i roto i ēnei tau nei, kua kore e taea e ia te whatuwhatu.

Nā te mate pūio kawititanga ringa kua uaua taku hiki i ngā taonga taumaha.

WhakamĀrama Āpitihanga

Mēnā ka whāiti rawa te pūio kawititanga ringa, ka pupuhi rānei ngā pūtautau o reira, ā, ka pēhia ngā ioio, ko te mate pūio kawititanga ringa te hua. Ko ētahi takenga o te mate nei:

  • Ko ngā ira tuku iho o te tangata.
  • Ko te riterite tonu o tētahi whakamahinga kotahi o te kawititanga ringa, pērā i te whatuwhatu me te pato kupu i te rorohiko.
  • Ko te panoni taiaki i te wā o te hapūtanga.
  • Ko ngā momo mate kē pērā i te mate huka me te pona kakā.

Ko te kēkerewai, te tengatenga, te ngoikore me te mamae ngā tohumate matua o te mate pūio kawititanga ringa.

Ko ētahi rongoā, ko te tākai tāhū hei whakakaha i te kawititanga ringa, ko te wero pūtaiaki kia kore ai e tino pupuhi te kawititanga ringa, ko te poka mēnā e tino raru ana.

Takenga Mai

pū - duct, tube

io - nerve

kawititanga o te ringa - wrist

Tauira KŌrero

Hei te Rāhina te poka pūio kawititanga ringa o taku kuia.

Nā te mate haere o te pūio kawititanga ringa o taku kuia i roto i ēnei tau nei, kua kore e taea e ia te whatuwhatu.

Nā te mate pūio kawititanga ringa kua uaua taku hiki i ngā taonga taumaha.

WhakamĀrama Āpitihanga