!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

pāpāhua

base

tūingoa

WHAKAMĀRAMA

He rōpū pūhui matū, he kōaro ōna āhuatanga matū i ērā o te waikawa. Ko tā te pāpāhua he whakangū i te waikawa, mā te tango i ngā katote hauwai (H+) wātea o roto i te waikawa. He kaha ake ngā pāpāhua kohuke, pērā i te konukura ōkai (CuO), i ngā pāpāhua whaiwaro. Ko te waipāhua hei ingoa mō te pāpāhua ka memeha ki rō wai. Ko te kukūtanga o tētahi mehanga pāpāhua tētahi āhuatanga matua e kaha ai, e ngoikore ai rānei tōna pāpāhuatanga. Hei tauira o te whakamahinga o te pāpāhua, ko te konupora waihā (Mg(OH)2) i roto i te pire tokopā, me te konutai waihā (NaOH) i ngā wai horoi umu.

A class of chemical compounds with chemical properties opposite to those of an acid. A base neutralises an acid by taking up the free hydrogen ions in the acid. Mineral bases, such as copper oxide (CuO), are generally stronger than organic bases. A base that is soluble in water is called an alkali. The concentration of a base solution is a major factor determining its alkalinity. Examples of bases include magnesium hydroxide (Mg(OH)2) which is used in indigestion tablets, and sodium hydroxide (NaOH) which is used in oven cleaners.

Tauira KŌrero

Pēhea nei te kaha o te pāpāhua nei, te konupora waihā (Mg(OH)2)?

Rārangihia mai ētahi pāpāhua me te whakamahinga o aua pāpāhua.

Whakamahia ai te pāpāhua hei hanga hopi.

WhakamĀrama Āpitihanga

Ka inea te kaha o tētahi pāpāhua i runga i te āwhata pH. Kei runga ake i te 7 ngā pāpāhua katoa, ko te 14 hei tohu i te pāpāhua tino kaha, he ngū te pH7, ko te wai tērā. Ko tā te pāpāhua he huri i te tohu waikawa kia kahurangi te tae. Koia nei ngā tae o te Ranunga Taetohu hei tohu i te pH o tētahi pāpāhua:

 Koia nei ētahi pāpāhua e mōhio whānuitia ana:

PāpāhuaTōna tohuTōna kahaHei tauira
konutai waihāNaOHhe tino kahahei mahi hopi
konupūmā waihāCa(OH)2he kahahei whakangū i te waikawa o te oneone
haukini waihāNH4OHhe āhua ngoikorehe horoi whare
konupora waihāMg(OH)2he āhua ngoikorehei whakangū i te waikawa o te puku
konutai winikaCH3COONahe ngoikorehei matū rokiroki kai

 

Ina whakaranua te waikawa me te pāpāhua, ko te pāhare me te wai ka hua ake. Arā:

waikawa + pāpāhua → pāhare + wai

KUPU KĒ ATU

kawakore

Tauira KŌrero

Pēhea nei te kaha o te pāpāhua nei, te konupora waihā (Mg(OH)2)?

Rārangihia mai ētahi pāpāhua me te whakamahinga o aua pāpāhua.

Whakamahia ai te pāpāhua hei hanga hopi.

WhakamĀrama Āpitihanga