WhakamĀrama Āpitihanga
Koia ēnei ko ētahi o ngā hiki puriroa e mahia whānuitia ana e te hunga whakapakari tinana:
| Ko te kuparu puriroa takamuri. Ka puritia te puriroa ki muri o ngā pokohiwi, e piko ana ngā ringaringa. Ka piko whakararo te tinana kia noho tītengi ai, ānō nei e noho ana ki tētahi tūru. Ka paku puritia, kātahi ka āta tū kia torotika anō ai te tinana. |  |
Ko te kuparu puriroa takamua. He rite ki tō runga nei engari ka puritia te puriroa ki mua o ngā pokohiwi. |  |
Ko te hikirukiruki puriroa. Ka tū ki muri i te puriroa, ka piko whakararo ki te pupuri i te kakau, ko ngā ringaringa he paku whānui ake i ngā pokohiwi. Mā te torohaki whakamua i ngā hope ka hīkina ake te puriroa kia tū te tinana. He torotika ngā ringa. |  |
Ko te panapae puriroa. Ka takoto ki te pae, ko ngā pokohiwi ki raro iho i te puriroa e noho ana ki ōna tīrewa. Ka puritia te kakau, ko ngā ringa he paku whānui ake i ngā pokohiwi. Ka hīkina ake te puriroa, ā, ka whakanōhia ki runga i te poho. Kātahi ka hīkina ki runga kia torotika ngā ringa. Ka paku puritia ki reira, kātahi ka āta tukua anō ki te poho. |  |
Ko te hoe puriroa tūpou. Ka tū ki muri i te puriroa, ka piko whakararo ki te pupuri i te kakau, ko ngā ringaringa he paku whānui ake i ngā pokohiwi. Ka tūpou te tinana me te torotika o te tuarā, kātahi ka hīkina ake te puriroa me te piko o ngā tuke. Ka paku puritia, kātahi ka āta tukua anō. |  |
Ko te pana pokohiwi puriroa. Ka hīkina ake te puriroa i ōna tīrewa, ko ngā ringa he paku whānui ake i ngā pokohiwi. Ka puritia te puriroa ki raro i te kauae. Ka paku piko ngā turi, ā, ka panaia whakarunga kia torotika ai ngā ringa. Kātahi ka āta tukua ki raro i te kauae. |  |
Ko te hiki pokohiwi puriroa. Ka puritia te puriroa ki mua o te tinana, me te toro whakararo o ngā ringa. Ka hīkina ngā pokohiwi, ka paku puritia, kātahi ka āta tukua. |  |
Ko te waetīkei puriroa. Ka puritia te puriroa ki runga pokohiwi ki muri o te māhunga. Ka tīkei whakamua tētahi waewae, ko tētahi ka mau tonu me te piko o ngā matiwae. Ka paku puritia, kātahi ka whakahokia te waewae i tīkei whakamua ai. |  |