WhakamĀrama Āpitihanga
Hei tauira o ētahi momo maitai puripoto:
Koia ēnei ko ētahi o ngā hiki puripoto e mahia whānuitia ana e te hunga whakapakari tinana:
| Ko te panapae puripoto, hei whakapakari i ngā pokohiwi me te poho. Mēnā e piki ana te rōnaki o te pae, ka kīia he pana paepiki. Mēnā e heke ana, ko te pana paeheke. Mēnā e tūpā ana, ko te pana paetūpā. |  |
| Ko te kapu uarua. Ka puritia ngā puripoto ki te taha me te toro whakararo o ngā ringaringa. Ka hīkina ngā puripoto ki ngā pokohiwi me te piko o ngā tuke. Ka paku puritia, kātahi ka āta tukua ki raro. |  |
| Ko te pana pokohiwi. Ka puritia ngā puripoto ki te taha o ngā pokohiwi, he koki hāngai ngā tuke. Ka panaia whakarunga ngā puripoto kia torotika ngā ringaringa. Ka paku puritia, kātahi ka āta tukua ki raro. |  |
| Ko te hoe puripoto. Ko tētahi waewae ka tūturi ki runga pae, ko tētahi waewae ki te papa. Ko tētahi ringa ki te pae, ko tētahi ka toro atu ki te hiki i te puripoto i te papa. Ka hīkina ki te tumu me te piko o te tuke, ka paku puritia, kātahi ka āta tukua ki raro. |  |
| Ko te hiki takapū. Ka puritia ngā puripoto ki te taha me te toro whakararo o ngā ringaringa. Ka hīkina te tinana kia tū ki runga matiwae. Ka paku puritia, kātahi ka āta tukua ki raro. |  |
| Ko te hiki whakatetaha. Ka puritia ngā puripoto ki te taha me te toro whakararo o ngā ringaringa. Ka hīkina ngā puripoto ki te taha kia rite ki ngā pokohiwi te teitei, me te mau anō ki te torotika o ngā ringaringa. Ka paku puritia, kātahi ka āta tukua ki raro. |  |
| Ko te kuparu puripoto. Ka puritia ngā puripoto ki te taha me te toro whakararo o ngā ringaringa. Ka piko whakararo te tinana kia noho tītengi ai, ānō nei e noho ana ki tētahi tūru. Ka paku puritia, kātahi ka āta tū kia torotika anō ai te tinana. |  |
| Ko te waetīkei puripoto. Ka puritia ngā puripoto ki te taha me te toro whakararo o ngā ringaringa. Ka tīkei whakamua tētahi waewae, ko tētahi ka mau tonu me te piko o ngā matiwae. Ka paku puritia, kātahi ka whakahokia te waewae i tīkei whakamua ai. |  |
| Ko te whātoro uatoru puripoto. Ka toro whakarunga ngā ringaringa me te pupuri anō ki te puripoto. Ka āta tukua te puripoto ki muri o te māhunga me te piko o ngā tuke. Kātahi ka āta hīkina ake kia toro whakarunga anō ai ngā ringaringa. |  |
| Ko te hiki pokohiwi puripoto. Ka puritia ngā puripoto ki te taha me te toro whakararo o ngā ringaringa. Ka hīkina ngā pokohiwi, ka paku puritia ki runga, kātahi ka āta tukua ki raro. |  |