!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Matatini

paki whakarite

allegory

tūingoa

WHAKAMĀRAMA

He kōrero, ko ōna kiripuaki, ko ōna kaupapa e whakakanohi ana i tētahi whakaaro kē, i tētahi kaupapa kē rānei, he rerekē i ērā e hāngai pū ana ki te kōrero.

A text or story in which the characters and themes represent something different than what is denoted in the text.

Tauira KŌrero

Whakamāramahia te paki whakarite i roto i te pūrākau nei mō Tāwhaki.

He tohunga te kaituhi nei ki te tuitui paki whakarite ki roto i ana pakipoto

I ētahi kōrero e āhua huna ana te paki whakatairite, i ētahi atu he māmā noa iho te kapo atu.

WhakamĀrama Āpitihanga

E tino kitea ana he paki whakarite i ngā kōrero tara a Aesop. Hei tauira, ko tērā ka hua ake i te paki nei mō Kōhiti rāua ko Pōpokorua, he rite ki te whakataukī nei, Tama tū, tama ora; tama noho, tama mate:

Tērā a Kōhiti, e ngahau noa iho ana i te ao i te pō.  Ka hipa ko Pōpokorua, e hoki ana ki te kāinga me āna hauhakenga kai. 

“Haere mai e Rua, kia ngahau tahi tāua. Hei aha ō mahi,” tā Kōhiti. 

“He kaupapa nui tāku,” tā Pōpokorua ki a Kōhiti. “ E rokiroki kai ana. Kāore e roa ka takurua.” 

“Engari hoki mō tēnā e hoa. Kei te whiti te rā, kei te hora ngā kai. Kei te karanga a Rēhia,” te whakahoki a Kōhiti. 

Tē aro i a Pōpokorua, ka mau tonu ki tāna.  Ka taka te wā, ka takurua. Ka whiroki a Kōhiti, ka mate haere i te kore kai. Engari a Pōpokorua, noho pai tonu ana. Ka karanga atu ia ki a Kōhiti, “E hoa, haere mai. Māku koe e tauawhi.” 

“Ka mihi e te rangatira,” tā Kōhiti me te tuohu o tana māhunga. “Kua mau taku iro. Kua mārama ināianei ki tā ngā tīpuna, I hea koe i te tangihanga o te riroriro. 

Takenga Mai

paki - story

whakarite - to make like, liken to, compare

KUPU KĒ ATU

kōrero tairitenga

Tauira KŌrero

Whakamāramahia te paki whakarite i roto i te pūrākau nei mō Tāwhaki.

He tohunga te kaituhi nei ki te tuitui paki whakarite ki roto i ana pakipoto

I ētahi kōrero e āhua huna ana te paki whakatairite, i ētahi atu he māmā noa iho te kapo atu.

WhakamĀrama Āpitihanga