!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Matatini

whakataukī ~tia

proverb, proverbalise

tūingoa, tūmahi

WHAKAMĀRAMA

He kōrero poto, he hōhonu ngā whakaaro o roto. Ahakoa te tikanga mataaho o te kōrero, he whakaaro matahuna e noho ana i roto, ā, ka taea te whakamahi hei whakamahuki i ngā kaupapa maha.

A short saying that contains profound ideas. Notwithstanding the explicit meaning of the saying, it carries an implicit meaning, and can be applied to many areas.

Tauira KŌrero

He aha ia i tiki atu ai i tērā whakataukī i roto i tana kōrero?

Mā te whakataukī e hōhonu ake ai, e pārekareka ake ai te kōrero a te tangata.

He kāinga tēnei i whakataukītia e ngā tīpuna, ko 'Heretaunga ararau, Heretaunga haukūnui, Heretaunga hāro te kāhu, Heretaunga takoto noa'.

WhakamĀrama Āpitihanga

Koia nei tētahi whakarōpūtanga o ngā momo whakataukī:

  1. Ko te pepeha - he kōrero tēnei mō ngā āhuatanga whaimana o tētahi iwi, o tētahi rōpū rānei. Hei tauira:
    • Ko Tongariro te maunga, ko Taupō te moana, ko Tūwharetoa te iwi.
    • Waikato taniwha rau, he piko he taniwha, he piko he taniwha.
  2. Ko te kōrero whakahau i te tangata kia whai i tētahi huarahi, kia mahi rānei i tētahi mahi. Ki ētahi, ko te whakatauākī te kupu mō tēnei momo. Hei tauira:
    • Moea te tangata ringa raupā.
    • Tama tū tama ora, tama moe tama mate.
  3. Ko ngā kōrero e kawe ana i ngā whakapono, i ngā ture ā-noho o te iwi. Hei tauira:
    • Nāku te rourou, nāu te rourou, ka ora te iwi.
    • He kokonga whare e kitea, he kokonga ngākau e kore.
  4. Ko ngā kōrero mō te āhua o te tangata. Ko te nuinga he whakatairite i te tangata ki tētahi āhuatanga o te taiao. Hei tauira:
    • He korokoro tūī.
    • He tōtara haemata o te wao nui a Tāne.
  5. Ko ngā kupu whakaari, ngā kōrero matakite, titiro whakamua. Hei tauira:
    • He kākano i ruia mai i Rangiātea, e kore e ngaro.
    • Kotahi te kōhao o te ngīra, e kuhuna ai te miro whero, te miro mā me te miro pango.

KUPU KĒ ATU

whakatauākī

Tauira KŌrero

He aha ia i tiki atu ai i tērā whakataukī i roto i tana kōrero?

Mā te whakataukī e hōhonu ake ai, e pārekareka ake ai te kōrero a te tangata.

He kāinga tēnei i whakataukītia e ngā tīpuna, ko 'Heretaunga ararau, Heretaunga haukūnui, Heretaunga hāro te kāhu, Heretaunga takoto noa'.

WhakamĀrama Āpitihanga