!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

hekaheka

fungi

tūingoa

WHAKAMĀRAMA

He rōpū rauropi motuhake, ko ētahi o ōna huānga ko te īhi, ko te puruhekaheka, ko te hōpurupuru ko te harore. He moroiti ētahi hekaheka, pērā i te īhi. Ko ētahi, pērā i te harore, e kitea ana e te karu tangata. Mā te pua atua e whakaputa uri ai te hekaheka. He pai ētahi hekaheka hei kai mā te tangata (pērā i ētahi harore), engari ko te nuinga he tāoke tonu. Kāore he pakiaka, he rau rānei o te hekaheka, nō reira kāore e ora mā te tukanga ahotakakame. Kei te takiwā o te 70,000 ngā momo hekaheka e mōhiotia ana. Ko tētahi mahi nui a te hekaheka he whakapopo pararopi.

A unique group of organisms including yeast, mould, mildew and mushrooms. Some fungi, such as yeast, are microscopic and some, such as the mushroom, can be seen by the human eye. Fungi reproduce by spores. Some fungi, such as some mushrooms, are edible, most however, are poisonous. Fungi do not have roots and leaves, so do not carry out the process of photosynthesis. There are approximately 70,000 known species of fungi. An important function of fungi is the decomposing of organic matter.

Tauira KŌrero

He aha ētahi hekaheka e noho mai ana i te kīhini?

Whakamāramatia mai ngā āhuatanga e ora ai tētahi hekaheka.

Mā te hau e kawea ai ngā pua atua o tētahi hekaheka.

WhakamĀrama Āpitihanga

Ko te āwheto tētahi momo hekaheka. Ka noho te āwheto ki rō whenua, ā, ka tipu whakarunga ōna torohihi. Whakamahia ai e ngā tīpuna te āwheto hei whakaputa waingārahu pango mō te tā moko:

Ko te pūtawa tēnei momo. Tipu ai te pūtawa ki te hiako o te rākau:

He momo harore ēnei:

Takenga Mai

hekaheka - mouldy

Tauira KŌrero

He aha ētahi hekaheka e noho mai ana i te kīhini?

Whakamāramatia mai ngā āhuatanga e ora ai tētahi hekaheka.

Mā te hau e kawea ai ngā pua atua o tētahi hekaheka.

WhakamĀrama Āpitihanga