!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

hau

wind

tūingoa

WHAKAMĀRAMA

Ko te rere o te hau takiwā mai i ngā wāhi he nui te pēhanga ki ngā wāhi he iti te pēhanga. Rere ai te hau takiwā nā te rerekē o te paemahana o tēnā wāhi, o tēnā i te mata o te whenua, me te takahurihuri o Papatūānuku.

The flow of air from areas of high pressure to areas of low pressure. Air flow is caused by the difference in the temperature of the Earth’s surface in different places, and the Earth’s rotation.

Tauira KŌrero

He aha ngā hau matua e pupuhi ana i tō tātou rohe?

Whakaaturia te ahunga mai o te hau i tō mahere.

Ko te hau tonga te hau tino mātao.

WhakamĀrama Āpitihanga

Ka whakaingoatia te hau i runga anō i te ahunga o taua hau. Hei tauira, ko te hau tonga e mea ana e pupuhi ana te hau mai i te tonga, ahu atu ki te raki. Arā kē ngā ingoa huhua o tēnā iwi, o tēnā iwi mō ngā momo hau ka pā i ō rātou rohe. Anei ētahi me ngā whakamārama:

  • hau kōkōuri – he māmā noa iho te pupuhi o te hau
  • hau kōhengi – he hau māmā tonu
  • hau maiangi – he ngoikore te hau
  • hau pōkākā – he kaha te pupuhi o te hau, he āwhā
  • hau pūhuka – he hau mātao
  • hau kōtonga – he hau mātao e ahu mai ana i te tonga
  • hau marangai – he hau e ahu mai ana i te rāwhiti
  • haupongi – he hau kōriporipo te pupuhi
  • haumātakataka – he hau tino taikaha te pupuhi
  • huripari – he hau tino taikaha te pupuhi
  • hauraro – he hau e ahu mai ana i te raki
  • hau pākihiroa – he hau e ahu mai ana i te rāwhiti mā raki
  • hau tonga – he hau e ahu mai ana i te tonga
  • hauārahi, hauāuru – he hau e ahu mai ana i te uru
  • muritai – he hau e pupuhi ana mai i tai ki uta
  • hauwhenua – he hau e pupuhi ana mai i uta ki tai

Tauira KŌrero

He aha ngā hau matua e pupuhi ana i tō tātou rohe?

Whakaaturia te ahunga mai o te hau i tō mahere.

Ko te hau tonga te hau tino mātao.

WhakamĀrama Āpitihanga