WhakamĀrama Āpitihanga
Koia nei ētahi o ngā hua o te hangarua:
- Ka whakaitia te whakapau i ngā rawa ka takea mai i a Papatūānuku.
- He māmā ake te utu ki te whakamahi anō i ngā momo matū pērā i te konumohe, tērā i te whakaputa tonu i te konumohe hou.
- Kāore e pērā rawa te nui o te para ka porowhiua, ka tāhawahawa i te taiao.
- He iti ake te pūngao (pērā i te hiko) ki te whakaputa i ngā mea hangarua, tērā i te whakaputa i ngā mea ka hangaia houtia mai i ngā rawa o Papatūānuku.
He hangarua-kore ētahi rawa - kāore e taea te whakamahi hei whakaputa i tētahi mea hou. He hangarua-kore ētahi momo kirihou, he hangarua-kore hoki te pūhiko. Ina mutu te whakamahia o ēnei rawa ka porowhiua ki te ruapara, ko te otinga atu pea, ko te tāhawahawa i a Papatūānuku.
Ko te tohu hangarua tēnei:
He taupuni hangarua tēnei:
Ko ētahi tikanga mō te tuku para hangarua ki te taupuni hangarua:
- Me āta kōmaka ngā para, ka waiho ai ki te taiaroa tika, pēnā he konganuku (maitai, konumohe), he kirihou, he pepa/kārimārō rānei.
- I te nuinga o ngā taupuni puta i te motu, ka whakaaetia te kirihou 1, te kirihou 2 me te kirihou 5, koirā noa iho.
- Me horoi kia parukore ngā para hangarua.
- Me kopenu ngā kēne me ngā pātara kirihou.