WhakamĀrama Āpitihanga
Anei ētahi whārite māmā. Ka kīia hoki ēnei he rerenga tau:
2 + 5 = 7 15 × 4 = 60 7 + 3 = 2 × 5 3 × 6 = 20 − 2
Arā anō ētahi whārite e whai taurangi ana. Ka whakamahia he pū (reta) hei tohu i te taurangi, ā, ko te mahi nui he āta kimi i te uara o te taurangi. Ka kīia hoki ēnei he rerenga tau huaki, ā, ko te taurangi ka kīia ko te mea tūhuna. Hei tauira:
- a + 6 = 11 E tika ai te whārite, a = 5
- 3e = 21 E tika ai te whārite, e = 7
- 4u − 3 = 25 E tika ai te whārite, u = 7
- i2 = 36 E tika ai te whārite, i = 6, −6 rānei
- r/5 = 2 E tika ai te whārite, r = 10
I roto i te whārite 3a + 6 = 33, he taurangi te ‘a’, koia te mea tūhuna, e kimihia ana tōna uara. Ka kīia he tau whakarea te 3 (e whakareatia ana te a ki te 3), he tau pūmau te 6 (ka noho pūmau tōna uara).
Ko te papariki taurangi tētahi rauemi hei whakaako i te mahi whakaoti whārite taurangi. Ka whakaaturia te whārite ki ētahi papariki - hei tauira ko te 2x + 2 = 6:
Ka tangohia ētahi papariki whero i ia taha o te whārite, ka kitea te ōrite o ngā papariki kōwhai e 2 ki ngā papariki whero e 4. Kātahi ka kitea te ōrite o ia papariki kōwhai ki ētahi papariki whero e 2. Arā, ko te x = 2 te otinga o te whārite.