!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

whakawhānau ~tia

birth

tūingoa, tūmahi whiti, tūāhua

WHAKAMĀRAMA

Ko te whakaputanga o te pēpi ki waho i te kōpū o tōna whaea hei tangata motuhake i te ao mārama.

The emergence of a baby from the body of its mother as a physically separate and unique being.

Tauira KŌrero

He aha ētahi o ngā whiriwhiringa a te whaea mō te wā whakawhānau?

Rangahautia ētahi o ngā tikanga whakawhānau a ngā mātua tīpuna.

Kia tīmata te whakamamae a te wahine, kua tata te whakawhānau.

WhakamĀrama Āpitihanga

Ko te whakamamae a te wahine hei tohu i te tīmatanga o te wā whakawhānau. E waru hāora te roanga toharite o te whakawhānau, engari he rerekē tēnā me tēnā. Mā ngā kukutinga e rahi haere ai te waha kōpū, kātahi ka panaia te pēpi ki waho o te tinana o te whaea. Ka tapahia te iho, ā, i muri tata mai ka panaia ki waho te whenua me te toenga o te iho:

Mēnā ka puta ko te kumu o te pēpi i te tuatahi, ka kīia tērā ko te whānau kōaro. Ki te kore e taea e te wahine tana pēpi te pana ki waho, ka pokaina te puku o te wahine, mā konei e tangohia ai tana pēpi. Ka kīia tēnei ko te whānau poka.

Ki te mate te pēpi i te wā whakawhānau, i te wā rānei i muri mai i te 24 wiki o te hapūtanga, ka kīia tērā ko te materoto, ko te kahu hei ingoa mō te pēpi mate.

Tauira KŌrero

He aha ētahi o ngā whiriwhiringa a te whaea mō te wā whakawhānau?

Rangahautia ētahi o ngā tikanga whakawhānau a ngā mātua tīpuna.

Kia tīmata te whakamamae a te wahine, kua tata te whakawhānau.

WhakamĀrama Āpitihanga