!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Toi Ataata

whakawhanake ~tia

develop

tūingoa, tūmahi whiti

WHAKAMĀRAMA

Ko te kawe i tētahi whakaaro ki tōna mutunga. I roto i ngā toi, ko te raupapa o ngā mahi me tutuki e puta ai he mahinga toi, mai i te pupūtanga o te whakaaro i te hinengaro o te tangata. Ko te pakari haere hoki o ngā pūkenga o te tangata.

Carrying an idea through to fruition. In the arts, the sequence of tasks which culminate in the production of an artwork, from the conception of an idea in the mind. It can also refer to the improvement of a person

Tauira KŌrero

Me pēhea te whakawhanake i tēnā whakaaro kia puta ki roto i ngā nekenekehanga o te kanikani?

Ko te hononga o te iwi ki tō rātou awa te kaupapa matua hei whakawhanake i roto i te tauira kōwhaiwhai.

E tino kitea ana te whanaketanga o ōna pūkenga ki te mahi whakairo.

WhakamĀrama Āpitihanga

Koia nei pea hei whakaahua i tētahi ara whakawhanake i tētahi mahinga toi:

I te tuatahi, ka rapu whakaaro mō te kaupapa o te mahinga toi. Ka rangahau i ōna āhuatanga katoa, arā, ka wānanga tahi me ētahi atu tāngata, pērā i te hunga kaumātua, ka pānui pukapuka, ka aha ake rānei e tipu ai te māramatanga ki te kaupapa. I tēnei mahi, ka kukune, ka ohi, ka pihi ake he whakaaro.

Tuarua, ka tīmata te hoahoa i te mahinga toi. Ākene pea ka hoahoatia ki te pepa, ka hoki atu, ka hoki atu ki te whakapaipai i te hoahoa, kia eke rawa ki te taumata e hiahiatia ana.

Tuatoru, ko te whakatinana i te hoahoa. Arā pea ko te whakamātau i ngā momo nekenekehanga mō tētahi kanikani, ko te hiki i te whao ki te whakairo i te rākau, ko te pani i te peita ki te pepa, tae noa ki te putanga o te mahinga toi ki te ao mārama hei kitenga kanohi mā te iwi.

 

 

Takenga Mai

whaka - causitive prefix

whanake - grow

Tauira KŌrero

Me pēhea te whakawhanake i tēnā whakaaro kia puta ki roto i ngā nekenekehanga o te kanikani?

Ko te hononga o te iwi ki tō rātou awa te kaupapa matua hei whakawhanake i roto i te tauira kōwhaiwhai.

E tino kitea ana te whanaketanga o ōna pūkenga ki te mahi whakairo.

WhakamĀrama Āpitihanga