WhakamĀrama Āpitihanga
Ko ētahi hua o te whakangungu tuhene tērā pea ka puta:
- Ka ruhi te tinana, ka koio ngā uaua, arā, ka ngenge, ka mamae.
- Ka heke te ekenga kaipara, arā, ka kore e pērā rawa te kounga o te mahi a te kaipara i te papa hākinakina.
- Ka whara tētahi wāhanga o te tinana, mātua rā ko te riaka uaua.
- Ka mate hinengaro, inā e tino whāia ana kia piki te ekenga kaipara, engari ka heke kē.
Ko te whakaoraora te mea hei kaupare i te whakangungu tuhene, arā, ko te whakatā i waenganui i ngā wā whakangungu; ko te kai i ngā kai taioraora kia tika ai te rahi o te pūmua, o te warowaihā, o te huaora kei roto i te tinana; ko te āta whātorotoro i ngā uaua; ko te whakawhiti kōrero ki tētahi kaiako hākinakina, mātanga kori, mātanga hauora hinengaro rānei; ko te aro ki kaupapa kē atu i waho i te ao hākinakina, mā reira e heke ai te kūraruraru.
Ko te rango kirihou kōmāmā tētahi taputapu hei whakaoraora i ngā uaua i muri i te kori tinana uekaha, kia kore ai e ruhi, hei whakaiti anō i te mamae. Mā te pīrori o te rango i te uaua e tangatanga ai te uaua kita: