All rights reserved
Te Papakupu o Te Marautanga o Aotearoa
Ngā Wāhanga Ako: Te Reo Matatini, Ngā Toi, Pāngarau, Pūtaiao, Hangarau, Tikanga ā-Iwi, Hauora
Ko te tukanga e huri ai he raraunga ki āhua kē, kia kore ai e pahawa i te hunga kāore e whai mana ana ki aua raraunga.
The process where data is changed to a different form so that it can't be accessed by someone without the authority to do so.
Mā te whakamuna e noho haumaru ai ngā raraunga.
Ki te kore te tukanga whakamuna, ka raru katoa ā tātou pūtea pēke.
Ka whakamunatia ngā kōnae i te rorohiko kia kore ai e taea atu e te mūrere.
Hei tauira māmā o te whakamuna, ina whakaurua te nama o te kāri taurewa ki tētahi paehoko i te ipurangi, ka whakamunatia taua nama. Ka taea e te rorohiko o te pēke te whakamunatanga te pānui, koia anake.
Ka whakamunahia ngā raraunga matihiko e tukuna ana i te ipurangi, pērā i te īmēra, i te kōnae me te ata. Mā te whakauru kupuhuna, ka wetemunahia ngā raraunga kia taea e te kaiwhakamahi te pānui. Arā, ko te wetemuna te tauaro o te whakamuna.
Ko te pūhera matihiko tētahi wāhi haumaru e puritia ai he raraunga. E rua ngā paparanga whakamuna i ngā raraunga o roto i te pūhera e noho haumaru ai aua raraunga:
whaka - causative prefix
muna - private, confidential