!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Puoro

waiata ~tia

song, sing

tūingoa, tūmahi poro, tūmahi whiti

WHAKAMĀRAMA

He titonga puoro mō te reo tangata.

A musical composition for voice.

Tauira KŌrero

Rangahautia te orokohanga mai o tēnā momo waiata.

Ko ngā waiata a tētahi iwi hei matapihi tirotiro i tōna ahurea.

He aha rātou i waiata ai i taua waiata hei tautoko i a Rangi?

WhakamĀrama Āpitihanga

Arā kē ngā momo waiata a te iwi Māori, e hāngai ana ki ngā kaupapa me ngā tikanga maha. Koia nei ētahi (nō te papakupu He Pātaka Kupu ngā whakamārama):

apakura
He momo waiata tangi.

hakirara
He waiata māmā te kaupapa, māmā te wairua, he waiata whakangahau i te iwi.

hanihani
He waiata whakaiti, he takahi i te wairua, i te mana rānei o tētahi atu.

maimai
He waiata aroha, he waiata tangi. He momo haka hoki hei whakatau i te manuhiri ki te tangihanga.

mata
He waiata e whakakite ana i ētahi āhuatanga kei te tū mai.

mōteatea
He waiata tangi.

ngaringari
He waiata hei whakakotahi i te kukume a ētahi tāngata i tētahi hanga taumaha. Ko te waiata matua o tētahi whenua, o tētahi rōpū rānei, e mōhiotia ai taua whenua, rōpū rānei.

ngeri
He waiata rite ki te haka; kei tēnā, kei tēnā te whakaari i āna ringa i runga anō i te wairua me te kaupapa o te ngeri.

oriori
He waiata i titoa mō te tamaiti rangatira. Hāunga ia te taha whakamoe, te whakatau i te mauri o te tamaiti. Ko tōna tikanga ake he whakaako i taua tamaiti ki ngā kōrero a tōna iwi, ki ngā mate hei rānaki māna, ki ōna tātai whakaheke, ki ōna whenua me ērā tū āhuatanga. Ko te taiapo tētahi atu ingoa mō te oriori.

pao
He waiata poto ka titoa i te wā e tū mai ai te kaitito ki te waiata, e hāngai ana ki te wā i titoa ai.

pātere
He waiata ko tōna kaupapa he kōrero kino mō te tangata, mō te iwi, he whakahoki rānei i aua momo kōrero mō te tangata, mō te iwi. He tere te haere, he roa tonu te nuinga, he wana.

pōkeka
He momo waiata, he rite ki te pātere te rangi, te kaupapa me te hari.

ruri
He waiata aroha āhua poto nei.

waiata ā-ringa
He waiata e haere ngātahi ana ngā whakaaritanga a ngā ringa, a te tinana hoki.

 

Arā hoki ētahi momo waiata o te ao whānui, koia nei ētahi:

āria
He waiata mā te reo kotahi, i takea mai i Itāria i te rautau tekau mā ono. I ētahi wā he puoro tautoko ka haere i te taha, he wā anō karekau he puoro tautoko. He nui te rangona o te āria i roto i ngā puoro whakaari.

hīmene
He waiata o ngā hāhi, e rangona ana i te taha o te karakia.

mōteatea
He waiata ā-iwi hei whakaata i tōna ahurea.

waiata arotini
He momo tēnei ka takea mai i te puoro rakapioi i te ngahuru tau o te 1950. He maha ngā āhuatanga o te waiata arotini, engari ko ngā mea matua, ko tōna poto (te takiwā o te 2 ki te 5 meneti noa iho), ko tōna hanga (pērā i te whai o te korihi i ia whiti), me te rangi, he rangi māmā te hopu.

waiata paki
He kōrero tara mō tētahi tangata, mō tētahi mahinga a te iwi, mō tētahi kaupapa te mea ka kawea i roto i tēnei momo waiata. I ēnei rā, ka kīia e ētahi, ko ngā waiata aroha arotini he waiata paki hoki ērā. Ko Waltzing Matilda tētahi tauira o te waiata paki, he waiata nō Ahitereiria e mōhiotia whānuitia ana. I te nuinga o ngā waiata paki, he whaiwhai te korihi i ia whiti.

waiata tahanga
He waiata mō te takitahi, mō te rōpū rānei, engari karekau he puoro tautoko.

KUPU KĒ ATU

hari

maire

pao

pīoriori

takitaki

tau

Tauira KŌrero

Rangahautia te orokohanga mai o tēnā momo waiata.

Ko ngā waiata a tētahi iwi hei matapihi tirotiro i tōna ahurea.

He aha rātou i waiata ai i taua waiata hei tautoko i a Rangi?

WhakamĀrama Āpitihanga