!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

uaua

muscle

tūingoa

WHAKAMĀRAMA

He pūtautau ka taea te kukuti, e neke ai ngā wāhanga o te tinana. Ka haere ngā tauhohe matū i rō uaua hei huri i te pūngao o roto i te kai hei pūngao neke. Ka mahi noa ētahi uaua i ā rātou mahi, ahakoa e moe ana, e oho ana rānei te tangata, kāore ēnei uaua e whakahaerehia e te tangata. Hei tauira, ko te manawa me ngā uaua o roto i te kōpiro. Arā ētahi atu uaua e hono ana ki ngā kōiwi, mā te tangata tonu ēnei uaua e whakahaere e neke ai ngā wāhanga o tōna tinana.

Tissue that has the ability to contract in order to produce movement. Chemical reactions are carried out in muscles in order to convert the energy in food to mechanical energy. Some muscles function involuntarily whether a person is asleep or awake. Examples include the heart and muscles in the intestine. Other muscles are attached to bones and are controlled by the person in order to move parts of the body.

Tauira KŌrero

Nō hea te pūngao e tutuki ai i te uaua āna mahi?

Whakamāramatia mai te mahi takirua a ngā uaua.

Kei te takiwā o te 30 ngā uaua i raro i te kiri o te kanohi e puta ai ōna āhua maha.

WhakamĀrama Āpitihanga

E rua ngā momo uaua:

  • Ko ngā uaua autaki:
    Mā te tangata tonu ēnei uaua e whakahaere, e neke ai ngā wāhanga o tōna tinana. Ka kīia he iohere ngā pito o ngā weu uaua e hono ana ki ngā kōiwi. Nui ake i te 600 katoa tēnei momo uaua i te tinana tangata, ā, ka mahi takirua. Hei tauira o te mahi takirua, mahi tauaro o ngā uaua, ko te uarua me te uatoru o te peke:

 

  • Ko ngā uaua aunoa:
    Koia nei te momo uaua e tutuki ai te mahi a te manawa me ērā atu whēkau o te tinana, pērā i te kōpiro. Ka haere tonu te mahi a ēnei uaua ahakoa e moe ana, e oho ana rānei te tangata. Ehara i te mea mā te tangata tonu e whakahaere, engari mā runga tonu i ngā karere e tukuna ana e tōna roro.

    Koia nei ētahi o ngā wāhanga o te pūnaha uaua o te tangata:

Tauira KŌrero

Nō hea te pūngao e tutuki ai i te uaua āna mahi?

Whakamāramatia mai te mahi takirua a ngā uaua.

Kei te takiwā o te 30 ngā uaua i raro i te kiri o te kanohi e puta ai ōna āhua maha.

WhakamĀrama Āpitihanga