WhakamĀrama Āpitihanga
Koia nei ētahi momo tāware i te ao matihiko:
- Ko te hītinihanga, arā, he īmēra māminga, ānō nei i tukuna mai e te pēke, ko tāna he tono kia whakamōhiotia atu ngā mokamoka takiuru ki tō pūtea.
- Ko te tāware takoha. He tono tēnei kia tuku moni koe hei āwhina i tētahi tangata tuakoka, i tētahi kaupapa rānei, engari he horihori noa iho ngā kōrero mō te tangata tuakoka mō te kaupapa rānei, he māminga noa iho i a koe.
- Ko te tāware kiriparau, arā, ko tā te nanakia waihanga tuakiri horihori hei māminga i te tangata pono. Ko te whāinga tata ko te whakahoahoa atu ki te tangata pono, ko te whāinga tawhiti ko te tāhae i āna moni, ko te whakapoapoa i a ia ki tētahi mahi taihara, pērā i te kawe me te hoko whakapōauau.
- Ko te tāware koeko tētahi momo i te ao tauhokohoko. Ko te mahi a te tangata ka uru atu ki te tāware koeko he poapoa i tangata kē atu kia uru mai. Ka whiwhi utu te tangata i ngā moni whakauru a te hunga kei ngā paparanga o raro iho i a ia. I te nuinga o te wā, karekau he hautaonga, he ratonga rānei e hokona ana i te tāware koeko. He taihara te tāware koeko.
