Hangarau

tāware ~tia

scam (computing)

tūingoa, tūmahi whiti, tūāhua

He mahi nanakia hei tinihanga i te tangata, hei whānako i ana moni, i ana rawa, i tana tuakiri, i ana pūkete ipurangi rānei.

An unscrupulous act to deceive someone, in order to steal their money, their goods, their identity or their internet accounts.

I hāmenetia ia mō ana mahi tāware i te ipurangi.

Kua tino piki ngā momo tāware tuihono i roto i te tau kua hori nei.

Taetae mai ana ngā īmēra tāware o tāwāhi ki Aotearoa, karekau he pātū papare.

Koia nei ētahi momo tāware i te ao matihiko:

Ko te hītinihanga, arā, he īmēra māminga, ānō nei i tukuna mai i te pēke, ko tāna he tono i a koe kia whakamōhiotia atu ngā mokamoka takiuru ki tō pūtea.
Ko te tāware takoha. He tono tēnei kia tuku moni koe hei āwhina i tētahi tangata tuakoka, i tētahi kaupapa rānei, engari he horihori noa iho ngā kōrero mō te tangata tuakoka, mō te kaupapa rānei, he māminga noa iho i a koe.
Ko te tāware kiriparau, arā, ko tā te nanakia waihanga tuakiri horihori hei māminga i te tangata pono. Ko te whāinga tata ko te whakahoahoa atu ki te tangata pono, ko te whāinga tawhiti ko te tāhae i āna moni, ko te whakapoapoa i a ia ki tētahi mahi taihara, pērā i te kawe me te hoko whakapōauau.

tāware - to dupe, deceive

I hāmenetia ia mō ana mahi tāware i te ipurangi.

Kua tino piki ngā momo tāware tuihono i roto i te tau kua hori nei.

Taetae mai ana ngā īmēra tāware o tāwāhi ki Aotearoa, karekau he pātū papare.