!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Matatini

tātaitanga whakaahua

graphic organiser

tūingoa

WHAKAMĀRAMA

Ko te whakamahi i ngā momo whakaahua ā-tā hei whakawhitiwhiti whakaaro, huatau, māramatanga hoki, me ngā hononga o tētahi ki tētahi. Nā te nahanaha o te tātaitanga whakaahua e tere kapo māramatanga ai te kaipānui.

The use of different visual representations to communicate ideas, concepts and understandings, and the relationships between them. The systematic arrangement of a graphic organiser allows the reader to gain understanding more quickly.

Tauira KŌrero

He aha te momo tātaitanga whakaahua e pai ana hei kawe i ēnei kōrero?

Kotahi te tātaitanga whakaahua, he manomano kupu te rite.

He nui te kitea o te tātaitanga whakaahua i roto i ngā tuhinga pūtaiao.

WhakamĀrama Āpitihanga

He āwhina nui te tātaitanga whakaahua e puritia ai he kōrero ki te pūmahara o te kaipānui, e whai māramatanga ai ia ki tāna i pānui ai, e eke anō ai ōna pūkenga arohaehae, ōna whakaaro whaitake.

Koia nei ētahi momo tātaitanga whakaahua:

Ka whakaaturia ngā wā ki tētahi rārangi, me ngā mahi i oti, ka oti rānei i tēnā wā, i tēnā. Hei tauira:

 

Ka whakaaturia ngā huatau e hāngai ana ki tētahi kaupapa, me te hononga o tētahi huatau ki tētahi. Hei tauira:

 

Ka whakaaturia te raupapa o ngā wāhanga o roto i tētahi paki, o tētahi kiriata rānei, me ngā whakamārama e hāngai ki tēnā wāhanga, ki tēnā. Hei tauira:

 

He momo mahere huatau, he rite tōna āhua ki te māwhaiwhai a te pūngāwerewere. Ko te mea nui, ka whakaaturia te hononga o tētahi wāhanga o te kaupapa ki tētahi. Hei tauira:

 

He momo mahere huatau, he porowhita te āhua o te hono i ngā wāhanga o te kaupapa e whakaaturia ana.

 

He rite tēnei hoahoa ki te tipu o ngā peka o te rākau hei whakaatu i te hononga o ngā wāhanga o roto i te kaupapa. Ka whakamahia te hoahoa rākau hei whakaatu mahinga tūponotanga i te pāngarau. Hei tauira:

 

He momo mahere huatau, e kitea ai te raupapa o ngā mahi me te hononga o ngā mahi iti o roto i tētahi kaupapa. Hei tauira:

 

Ko tā tēnei hoahoa, he whakaatu i te hononga kei waenganui i ētahi huinga – mēnā e noho wehe kē ana ngā huinga, e pūtahi ana rānei ngā huinga, e noho iti ana rānei tētahi huinga ki roto i tētahi huinga nui. Hei tauira:

 

He momo mahere huatau, he rite ki te anga o te ika te āhua o te hononga o ngā wāhanga iti o roto i te kaupapa e whakaaturia ana. Hei tauira:

 

I tēnei momo tātaitanga whakaahua, ka wehea te kaupapa ki ētahi wāhanga matua e toru, koia hei āwhina ki te whakarōpū i ngā whakaaro mō taua kaupapa. Hei tauira:

 

He momo hoahoa e whakaaturia ai tētahi raupapatanga mahi. Ka whakaaturia ia wāhanga o roto i te raupapa, ā, ka honoa ērā wāhanga ki te rārangi whaipere. Hei tauira:

Takenga Mai

tātai - to arrange, set in order; whakaahua - image, illustration

Tauira KŌrero

He aha te momo tātaitanga whakaahua e pai ana hei kawe i ēnei kōrero?

Kotahi te tātaitanga whakaahua, he manomano kupu te rite.

He nui te kitea o te tātaitanga whakaahua i roto i ngā tuhinga pūtaiao.

WhakamĀrama Āpitihanga