Tikanga ā-Iwi

tarahiti

trust (formal entity)

tūingoa

WHAKAMĀRAMA

He hinonga e whai mana ana i raro i te ture, ko tāna, he tiaki, he whakamahi i ana huarawa hei huanga mō ngā tāngata me te kaupapa i whakatūria ai te tarahiti.

An legal entity which looks after and uses its assets for the benefit of the people and the purpose it was set up for.

Tauira KŌrero

He tarahiti ohaoha tērā i whakatūria ai hei tauawhi i te hunga kāingakore.

He maha ngā tāngata whairawa e whakatū tarahiti ana hei karo i te utu tāke.

He tautōhito te rōia rā ki te whakatū tarahiti whenua hei tiaki i ngā toenga whenua tuku iho o ngā whānau Māori.

WhakamĀrama Āpitihanga

Ko tā te kaihanga tarahiti, he tuku huarawa ki te tarahiti, he whakatū hoki i ngā poutarahiti, ko rātou hei tiaki, hei whakahaere i aua huarawa. Ka whakaingoa hoki ia i ngā kaiwhiwhi painga, mō rātou ngā huanga o te tarahiti ā tōna wā.

Koia nei ētahi momo tarahiti:

Ko te tarahiti ā-whānau. I te nuinga o te wā, ka whakatūria tēnei momo hei tiaki i ngā huarawa tuku iho hei painga mō ngā uri.
Ko te tarahiti pakihi. Ka whakatūria hei whakahaere i te pakihi ka tukuna e te kaihanga tarahiti, hei huanga anō mō ngā kaiwhiwhi painga.
Ko te tarahiti ohaoha. Ka whakatūria hei painga mō tētahi kaupapa ohaoha pērā i te whakakore i te tuakokatanga, i te hāpai i tētahi kaupapa motuhake pērā i te reo Māori, me te hāpai i te mātauranga. He whakahaere monihua-kore te tarahiti ohaoha, arā, ko ngā monihua katoa ka whakahokia ki te tarahiti, hei kōkiri tonu, hei whakatipu hoki i tana kaupapa.

Takenga Mai

he kupu mino

KUPU KĒ ATU

tarati (kupu mino)

rōpū kaitiaki

Tauira KŌrero

He tarahiti ohaoha tērā i whakatūria ai hei tauawhi i te hunga kāingakore.

He maha ngā tāngata whairawa e whakatū tarahiti ana hei karo i te utu tāke.

He tautōhito te rōia rā ki te whakatū tarahiti whenua hei tiaki i ngā toenga whenua tuku iho o ngā whānau Māori.