!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Toi Ataata

taeāwhio

colour wheel

tūingoa

WHAKAMĀRAMA

Ko te whakaatu i te raupapatanga o ngā tae o te kōpere, huri āwhio i tētahi porowhita.

A presentation of the colours of the rainbow, in order, around a circle.

Tauira KŌrero

Pēhea nei te noho mai o ngā tae tauaro ki te taeāwhio?

Mahia kia takahurihuri te taeāwhio, kia kōmitimiti katoa ai ngā tae.

Arā ētahi tikanga rerekē mō te whakanoho i ngā tae ki te taeāwhio.

WhakamĀrama Āpitihanga

Koia nei tētahi o ngā momo whakaaturanga o te taeāwhio. E kitea ana ngā tae mātāmua, arā, te kura, te kahurangi me te kōwhai. Ka kitea hoki ngā tae mātāwaenga, me ngā tae mātāmuri kei waenganui i ngā tae mātāmua e toru nei:

                

 

Koia nei ētahi o ngā takirua tae tauaro:

 

E noho tauaro ana tētahi ki tētahi i te taeāwhio. Ka kīia hoki ēnei, he tae wana, nā te tino rerekē o tētahi i tētahi:

He tae tauaro, he tae wana tēnei peita:

Tawai Williams
I Rise from the Ash
Te peita kiriaku i te kānawehi

 

Ka kīia ēnei tae e toru nei he taerata, nā te mea e piritata ana tētahi ki tētahi i te taeāwhio. I ētahi mahinga toi, ko ngā taerata te kōwhiringa tae, nā te mea he tau ki tā te karu titiro, he kōmitimiti: 

He momo kōwhiringa tae anō tēnei, ka kīia he tae tapatoru. He ōrite te tawhiti o tētahi i tētahi i te taeāwhio, nō reira, he wana ki tā te karu titiro: 

 

Ka kīia ēnei ko ngā tae mahana, inā ko ngā tae e hāngai ana ki a Tamanuiterā. 

 

He tae mahana tēnei peita: 

 

Andrea Hopkins
Swimming with the sharks
Te peita kiriaku i te kānawehi

 

Ko ēnei ko ngā tae mātao, arā, ko ērā e hāngai ana ki te wai me te rangi: 

 

 

I ētahi wā, ka whakaritea ngā tae kia muramura, he wā anō kia waimeha. Hei tauira:

Takenga Mai

tae - colour

āwhio - circle, round

KUPU KĒ ATU

wīra tae

Tauira KŌrero

Pēhea nei te noho mai o ngā tae tauaro ki te taeāwhio?

Mahia kia takahurihuri te taeāwhio, kia kōmitimiti katoa ai ngā tae.

Arā ētahi tikanga rerekē mō te whakanoho i ngā tae ki te taeāwhio.

WhakamĀrama Āpitihanga