!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

~hia

earthquake

tūingoa, tūmahi whiti

WHAKAMĀRAMA

He nekenekenga ohorere a Rūaumoko. Ka tukuna ohorere te pūngao ki roto rā anō i te kirinuku. Ka takea mai te rū i te nekeneke ohorere o te kirinuku i tētahi wāhi ōna e hapa ana, ka takea rānei i te hūnga o te puia. Ka puta he rū whakawhiti, ā, he nui hoki te parekura tērā pea ka hua ake.

A sudden release of energy in the Earth’s crust usually caused by movement along a fault line or by volcanic activity, and resulting in the generation of seismic waves which can be destructive.

Tauira KŌrero

He aha te take he torutoru noa iho ngā rū whenua i Ahitereiria, kāore hoki he puia oho

Whakamāramatia mai ngā take e hua ake ai he rū whenua.

E whakamahia ana te āwhata a Richter hei ine i te kaha o tētahi rū.

WhakamĀrama Āpitihanga

Kei roto te pokapū roto i te kirinuku, koirā te wāhi ka takea mai ai te rū. Kei te mata o te whenua te pokapū waho kei runga ake i te pokapū roto:

 

He kaimātai pūtaiao nō Amerika a Charles Richter. Nāna i waihanga tētahi āwhata hei ine i te kaha o tētahi rū. Ka tīmata te āwhata i te 1, he rū māmā noa iho tēnā. Ko te 10 te whakamutunga o te āwhata, he parekura kino rawa atu. Ko tā te āwhata he whakaatu i te kaha o te nuku o te whenua i tētahi rū. I eke te kaha o te rū whenua i Ahuriri i te tau 1931 ki te 7.8 i te āwhata Richter.

Arā anō tētahi āwhata hei ine i te kahapā o te rū. Ko tā te āwhata whakahou a Mercalli he ine i te nui o te pānga mai o te rū ki a tātou te tangata me te taiao. Ka tīmata i te 1, he māmā noa iho te pā mai o te rū, ākene pea ka paku pīoioi noa iho tētahi mea e tāwēwē ana. Ko te 12 te whakamutunga o te āwhata. Ka turakina ngā whare katoa, ka āta kitea hoki e te karu tangata ngā ngaru o te rū. Ko te rū whenua i Ahuriri i te tau 1931, i eke ki te 11 i te āwhata whakahou a Mercalli.

I ētahi wā, ka hua ake he rūpaku i mua, i muri rānei i te rū matua. Ka kīia ēnei ko te rūmua me te rūmuri.

Tauira KŌrero

He aha te take he torutoru noa iho ngā rū whenua i Ahitereiria, kāore hoki he puia oho

Whakamāramatia mai ngā take e hua ake ai he rū whenua.

E whakamahia ana te āwhata a Richter hei ine i te kaha o tētahi rū.

WhakamĀrama Āpitihanga