WhakamĀrama Āpitihanga
Koia nei ngā tohutau o tā tātou pūnaha tau. Tekau ngā tohutau nā te mea he pūnaha tekau:
{0, 1, 2, 3, 4, 5, 6, 7, 8, 9}
Mēnā he tau nui ake i te 9, ka whai tikanga te wāhi noho o te tohutau. Mō te tau matirua nei te 85, e tohu ana te 8 i te waru tekau nā te mea e noho ana ia ki te wāhi o ngā tekau.
He tūtohi uarā tū tēnei hei whakaatu i ngā tauoti o tā tātou pūnaha tau:
Koinei ngā tohutau Rōmana:
I = 1, V = 5, X = 10, L = 50, C = 100, D = 500, M = 1,000
Koinei te whakamahinga o ngā tohutau Rōmana hei whakaatu i ngā tau mai i te 1 ki te 10:
I, II, III, IV, V, VI, VII, VIII, IX, X
Ko te tikanga o te IV, ko te 5 − 1, arā, ko te 4.
Ko te tikanga o te VII, ko te 5 + 1 + 1, arā, ko te 7.