!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

pūkohu wai

algae

tūingoa

WHAKAMĀRAMA

He momo tipu, he matatini ngā āhua, mai i te iti (pērā i te tipu pūtautahi) ki te nui (pērā i te rimurapa). Ka noho ki rō wai tai, ki rō wai māori, ki roto oneone mākū hoki. Kāore ōna pakiaka, kāore ōna rau. He mahi nui tā te pūkohu wai ki te miti i te hauhā (CO2) o roto i te kōhauhau mā te tukanga ahotakakame. Ko te pūkohu wai kei te pūtake o ngā māwhaiwhai kame o ngā rauropi noho wai.

A highly varied group of plants, from single-celled plants to large bull kelp. Algae live in sea water, fresh water and in damp soil. Algae do not have roots or leaves. Algae have an important function to remove carbon dioxide from the atmosphere through the process of photosynthesis. Algae are at the base of the food webs for water-dwelling organisms.

Tauira KŌrero

He aha te wāhi nui ki te pūkohu wai?

Whakaaturia te pūkohu wai ki tētahi māwhaiwhai kame mō te ākau tokatoka.

Kāore e mōhiotia ana he aha e ngaruru ai te pūkohu wai i ētahi wā.

WhakamĀrama Āpitihanga

I ētahi wā o te tau, ka tino huhua te pūkohu wai i ētahi wāhi. Kāore e mōhiotia ana e ngā kaimātai pūtaiao he aha i pēnei ai. Ka kīia tēnei ko te pūkohu ngaruru. Ko te nuinga o ngā pūkohu wai he tāoke-kore, engari he tāoke tonu ētahi. Ki te ngaruru te pūkohu wai tāoke (ka kīia he pūkohu ngaruru tāoke), tērā ka tāoke anō te kiko o te mātaitai. Ina kainga e te tangata, he mate puku kei te haere.

Takenga Mai

pūkohu ‒ moss

wai ‒ water

KUPU KĒ ATU

kapoke

Tauira KŌrero

He aha te wāhi nui ki te pūkohu wai?

Whakaaturia te pūkohu wai ki tētahi māwhaiwhai kame mō te ākau tokatoka.

Kāore e mōhiotia ana he aha e ngaruru ai te pūkohu wai i ētahi wā.

WhakamĀrama Āpitihanga