WhakamĀrama Āpitihanga
Ko ētahi pū matua o te tinana:
- Ko te pū waiū, koia hei kawe i te waiū o te wahine mai i tōna repe waiū ki ōna kōmata.
- Ko te pū waiate hei kawe i te waiate mai i te kouawai me te ate mā roto i te repe taiaki huka ki te kōpiro iti, ki reira nakunaku ai i te ngako kua kainga e te tangata.
- Ko te ia-tuku hei kawe i ngā toto hāoraora mai i te manawa ki ngā wāhi katoa o te tinana.
- Ko te ia-auraki hei whakahoki i ngā toto hāora-kore ki te manawa.
- Ko te pū hūware, ka kawe i te hūware mai i te repe hūware ki te waha.
- Ko te pū waikamo hei kawe i ngā waikamo mai i te repe waikamo kei raro i ngā rewha, hei horoi i ngā karu, hei whakaputa anō i ngā kare ā-roto o te pōuri me te mamae, ko te manahau anō hoki i ētahi wā.
- Ko te ara tātea, koia hei kawe i te tātea o te tāne, mai i ōna raho kia tuhaina ki waho o tōna ure. Ko te kotinga ara tātea tētahi kōwhiringa mā te tāne, he ārai hapū pūmau, inā ka motukia te pū kawe tātea kia kore ai e uru ki roto i te waitātea ka tuhaina ki te tara o tōna hoa wahine:
