!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Ngā Mahi a te Rēhia

paki

fiction, yarn, story, story telling

tūingoa

WHAKAMĀRAMA

He kōrero ka puta i te hinengaro auaha o te tangata, kāore i pono.

A story emanating from a person’s imagination that is not factual.

Tauira KŌrero

Kei a ia mō te kōrero paki, mō te whakamōmona i te kōrero, kāore i tua atu!

Ko wai te kaitito o te paki?

I tino kitea te kaupapa o te paki i roto i tā rātou kanikani.

WhakamĀrama Āpitihanga

He maha ngā momo paki rerekē, pēnei i te paki auaha, te paki pono, te paki pohewa me te haurongo, ā, he rerekē te āhua o te tuhi, o te kōrero rānei i tēnā momo, i tēnā momo. Ka whakaaturia te paki i roto i ngā momo toi maha pērā i te whakaari, te pakimaero, te kiriata, te kanikani, te toi ataata me te waiata.

Ko te tāhū o te paki, koirā ngā mahi matua ka hua ake i roto i te roanga atu o te paki.

Ko te kaupapa o te paki, koirā te take matua, te whakaaro matua rānei e kawea ana, e whakaaturia ana i roto i te paki.

Ko ngā kiripuaki, koirā ngā tāngata e kawe ana i ngā mahi o roto i te paki.

Ko te takiwā, koirā te wā me te wāhi e noho mai ana ngā kiripuaki me ā rātou mahi.

He akoranga kei roto i ētahi paki hei whakaaroaro mā te kaipānui, te kaiwhakarongo rānei, ā, ka kīia tērā ko te iho o te paki, ā, ko te kōrero tara tērā momo paki.

Hei tauira o te kanikani e whakaatu paki ana:

 

KUPU KĒ ATU

kōrero paki

pakiwaitara

Tauira KŌrero

Kei a ia mō te kōrero paki, mō te whakamōmona i te kōrero, kāore i tua atu!

Ko wai te kaitito o te paki?

I tino kitea te kaupapa o te paki i roto i tā rātou kanikani.

WhakamĀrama Āpitihanga