Hauora

kōiwi

bone

tūingoa

WHAKAMĀRAMA

He pūtautau mārō, kiato hoki, e hangaia ai te anga o te tinana. He āhua ngohengohe, he karukaru a roto i te kōiwi, koia rā te mongamonga, ko tāna mahi nui he whakaputa pūtau toto.

A hard, dense tissue which forms the body's skeleton. The inside of a bone is soft and spongy, and contains bone marrow which is vital to the formation of blood cells.

Tauira KŌrero

Ko tāna mahi, he rangahau i ngā rautaki e ora pai ai ngā kōiwi o te tangata i tōna kaumātuatanga.

I taka ia i te rākau, ā, ka whati tētahi kōiwi i te kawititanga o tōna ringa.

Kāore e nekeneke ngā kōiwi o te angaanga.

WhakamĀrama Āpitihanga

Mā te tūhonohono o ngā kōiwi e whai hanganga ai ō tātou tinana, ka kīia tērā ko te anga kōiwi. Ko ngā wāhi e hono ai tētahi kōiwi ki tētahi, ka kīia he pona. Koia nei ngā wāhanga o tētahi pona:

whakaahua arinui

Ko tētahi mahi nui a ētahi kōiwi, he tiaki whēkau inā tukitukia te tinana. Hei tauira, ko ngā rara ngā kōiwi ka whakahaumaru i ngā whēkau o roto i te poho, mātua rā ko te manawa me ngā pūkahukahu.

Ko roto tēnei o tētahi kōiwi:

whakaahua arinui

Ko te konupūmā tētahi momo taiora e pakari ai ō tātou kōiwi. Ki te kore te konupūmā i roto i te whiringa kai a te tangata, ka mōwhakiwhaki, ka ngoikore ōna kōiwi. Ko ētahi kai he nui te konupūmā kei roto, ko ngā momo huamiraka pērā i te waipupuru, ko ētahi huawhenua kākāriki pērā i te kēra, ko ētahi kano, pērā i te kano hēhame.

KUPU KĒ ATU

wheua

Tauira KŌrero

Ko tāna mahi, he rangahau i ngā rautaki e ora pai ai ngā kōiwi o te tangata i tōna kaumātuatanga.

I taka ia i te rākau, ā, ka whati tētahi kōiwi i te kawititanga o tōna ringa.

Kāore e nekeneke ngā kōiwi o te angaanga.