!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Te Reo Pāngarau

kauwhata marara

scatter plot, scatter graph

tūingoa

WHAKAMĀRAMA

He momo hoahoa tauanga motuhake hei whakaatu i te pānga o ētahi rōpū raraunga e rua. Mā tēnei momo kauwhata e kitea ai te kaha, te ngoikore rānei o te pānga, ā, mēnā he ine pānga tōrunga, tōraro rānei kei waenganui i ngā taurangi.

A type of statistical diagram which shows how two groups of data are related. This type of graph shows whether the relationship is strong or weak, and whether there is a positive or negative correlation between the variables.

Tauira KŌrero

Tuhia he kauwhata marara hei whakaatu i te pānga o te pakeke o te tamaiti me tōna tāroaroa

Tirohia te kauwhata marara, ka whakamārama ai i te pānga kei waenganui i te tāroaroa o te tamaiti me tōna pakeke.

He pānga tōrunga, he pānga tōraro rānei e kitea mai ana i te kauwhata marara?

WhakamĀrama Āpitihanga

He kauwhata marara tēnei. E 20 ngā ira, e tohu ana i ngā tamariki rua tekau. E whakaaturia ana ō rātou pakeke me ō rātou tāroaroa. E kitea ana te ia o te pānga, arā, ka pakeke haere te tamaiti, ka tāroaroa haere. He tauira tēnei o te ine pānga tōrunga. E noho pātata ana ngā ira ki tētahi rārangi, nō reira he āhua kaha tēnei pānga:

 

Karekau he ine pānga kei waenga i te māka i riro i te ākonga i te whakamātautau pāngarau me tana māka i te whakamātautau hītori e whakaaturia ana ki te kauwhata marara nei, nā te mea kāore ngā ira e noho pātata ana ki tētahi rārangi:

 

E whakaaturia ana i te kauwhata marara kei raro nei, he ine pānga tōraro kei waenga i te tawhito o te motukā me te utu hoko o taua motukā, arā, ka heke te utu i te takanga o te wā. He āhua kaha te pānga nā te mea e noho pātata ana ngā ira ki tētahi rārangi (e kōpiko ana te rārangi):

I konei, kua tuhia te rārangi tohu hononga ki te kauwhata hei whakaatu i te ia o ngā raraunga:

Tauira KŌrero

Tuhia he kauwhata marara hei whakaatu i te pānga o te pakeke o te tamaiti me tōna tāroaroa

Tirohia te kauwhata marara, ka whakamārama ai i te pānga kei waenganui i te tāroaroa o te tamaiti me tōna pakeke.

He pānga tōrunga, he pānga tōraro rānei e kitea mai ana i te kauwhata marara?

WhakamĀrama Āpitihanga